തിരുവനന്തപുരം: എസ്.എസ്.എല്‍.സി, പ്ലസ്ടു ക്ലാസുകളിലെ നടക്കാനുള്ള പരീക്ഷാവിഷയങ്ങളുമായി ബന്ധപ്പെട്ട് വിക്ടേഴ്സ് ചാനല്‍ തയ്യാറാക്കിയ ‘ഓര്‍മകളുണ്ടായിരിക്കണം’ പ്രത്യേക പരീക്ഷാ പരിശീലന പരിപാടി സംപ്രേക്ഷണം ചെയ്യും. വിദ്യാര്‍ത്ഥികള്‍ എങ്ങനെ പരീക്ഷയ്‌ക്ക് സജ്ജരാകണം, വിഷയത്തിലെ എളുപ്പവഴികള്‍, കഴിഞ്ഞവര്‍ഷത്തെ ചോദ്യപേപ്പറുകളുടെ വിശകലനം, ഓര്‍മ്മിക്കേണ്ട കാര്യങ്ങള്‍, സാധ്യതയുള്ള ചോദ്യങ്ങളുടെ അവലോകനം തുടങ്ങിയവ ഉള്‍പ്പെടുത്തിക്കൊണ്ടുള്ള പരിപാടിക്ക് ഒരു മണിക്കൂര്‍ ദൈര്‍ഘ്യമുണ്ട്.
എസ്.എസ്.എല്‍.സി മാത്തമാറ്റിക്സ്, ഫിസിക്സ്, കെമിസ്ട്രി, വിഷയങ്ങള്‍ മെയ് 22 മുതല്‍ 24 വരെ ഉച്ചയ്‌ക്ക് 12 മുതല്‍ ഒരു മണിവരെയും പ്ലസ്ടു ബയോളജി, ബിസിനസ് സ്റ്റഡീസ്, കമ്പ്യൂട്ടര്‍ ആപ്ലിക്കേഷന്‍, മാത്തമാറ്റിക്സ് വിഷയങ്ങള്‍ മെയ് 22 മുതല്‍ 25 വരെ വൈകുന്നേരം മൂന്ന് മണിമുതല്‍ നാല് വരെയും സംപ്രേഷണം ചെയ്യും. ഈ പരിപാടി കൈറ്റ് വിക്ടേഴ്സിന്റെ യുട്യൂബ് ചാനലായ youtube.com/itsvicters ലും ലഭ്യമാവും.
പ്രതികരിക്കാൻ ഇവിടെ എഴുതുക: