തിരുവനന്തപുരം: കേന്ദ്രസര്ക്കാര് പ്രഖ്യാപിച്ച ലോക്ക്ഡൗണ് കാലത്ത് എസ്എസ്എല്സി, ഹയര്സെക്കന്ഡി പരീക്ഷകള് നടത്തുമെന്ന മുഖ്യമന്ത്രി പിണറായി വിജയന്റെ പിടിവാശിക്ക് കനത്ത തിരിച്ചടി. കേന്ദ്രമാര്ഗ നിര്ദേശം ലംഘിച്ച് പരീക്ഷകള് നടത്തിയാല് ഭവിഷത്ത് ഗുരുതരമാകുമെന്ന കേന്ദ്ര ആരോഗ്യമന്ത്രാലയത്തിന്റെ കനത്ത താക്കീതിനു മുന്നില് പിണറായി മുട്ടുമടക്കി. ഇന്നു ചേര്ന്ന മന്ത്രിസഭാ യോഗമാണ് എസ്എസ്എല്സി, ഹയര്സെക്കന്ഡറി പരീക്ഷകള് മാറ്റാന് തീരുമാനിച്ചത്. പുതുക്കിയ തീയതിയും കേന്ദ്രസര്ക്കാര് മാര്ഗനിര്ദേശം അനുസരിച്ചാകും. ഇതോടെ, വിഷയത്തില് ഒറ്റയ്ക്ക് പിടിവാശി കാട്ടിയ മുഖ്യമന്ത്രി ഒറ്റപ്പെട്ടു.
എസ്എസ്എല്സി, ഹയര്സെക്കന്ഡറി പരീക്ഷകള് മാറ്റിവയ്ക്കില്ലെന്ന് തുടര്ച്ചയായി മുഖ്യമന്ത്രി പിണറായി വിജയന് നിലപാട് എടുത്തിരുന്നു. പരീക്ഷ നടത്താനുള്ള സാഹചര്യം കേരളത്തിലുണ്ട്. എസ്എസ്എല്സി, പ്ലസ് ടു പരീക്ഷകള് മാറ്റിവയ്ക്കണമെന്ന ബിജെപി, കോണ്ഗ്രസ് പാര്ട്ടികളുടെ ആവശ്യം തള്ളിക്കളഞ്ഞാണ് പരീക്ഷ മാറ്റിവയ്ക്കില്ലെന്നു മുഖ്യമന്ത്രി പറഞ്ഞത്. സാമൂഹിക അകലം പാലിച്ചുകൊണ്ടാണ് പരീക്ഷ നടത്തുന്നത്. ഒരു ഭീതിക്കും അടിസ്ഥാനമില്ല. ക്വാറന്റീനിലിരിക്കുന്ന വിദ്യാര്ഥികള്ക്കു പരീക്ഷ എഴുതാന് ആവശ്യമായ ക്രമീകരണം ഒരുക്കും. ആവശ്യക്കാര്ക്ക്, ബസുകള് ഉള്പ്പെടെ ഉള്ള സൗകര്യം വിദ്യാഭ്യാസ വകുപ്പ് ഒരുക്കും. ഗള്ഫ് മേഖലയില് പരീക്ഷ സെന്ററുകള് ഒരുക്കാന് ശ്രമിക്കും. ബുദ്ധിമുട്ട് നേരിട്ടാല് അവിടങ്ങളിലെ പരീക്ഷകള് മാറ്റിവയ്ക്കേണ്ടി വരും. എല്ലാവരും നല്ലനിലയ്ക്ക് പരീക്ഷയ്ക്ക് തയാറെടുക്കുക. നല്ലനിലയ്ക്ക് പരീക്ഷ പാസാകുക എന്നും ഇന്നലെ മുഖ്യമന്ത്രി പറഞ്ഞിരുന്നു. ഇതിനാണ് ഇപ്പോള് കനത്ത തിരിച്ചടി നേരിട്ടത്.
