തിരുവനന്തപുരം:നാട്ടിലേക്ക് തിരികെ പോകണമെന്നാവശ്യപ്പെട്ട് മുന്നൂറോളം തൊഴിലാളികള് കണ്ണൂര് റെയില്വേ സ്റ്റേഷനിലെത്തി ബഹളംവെച്ചു. യുപി, ബിഹാര് സംസ്ഥാനങ്ങളില് നിന്നുള്ള ഇവര് റെയില്പ്പാളത്തിലൂടെ നടന്നാണ് റെയില്വേ സ്റ്റേഷനിലെത്തിയത്. പൊലീസും മറ്റും അനുനയിപ്പിച്ച് അവരെ കെഎസ്ആര്ടിസി ബസ്സുകളില് താമസസ്ഥലങ്ങളിലേക്ക് തിരിച്ചയച്ചു. ഇതുപോലുള്ള ചില സംഭവങ്ങള് മറ്റ് സ്ഥലങ്ങളിലും ഉണ്ടായിട്ടുണ്ടെന്ന് മുഖ്യമന്ത്രി തന്നെ വ്യക്തമാക്കി.
തൊഴിലാളികളുടെ ക്യാമ്പുകള് ഡിവൈഎസ്പി തലത്തിലെ ഉദ്യോഗസ്ഥര് സന്ദര്ശിച്ച് അവരുടെ സുഖവിവരങ്ങള് അന്വേഷിക്കുകയും അവരുടെ ക്ഷേമത്തിനായി സര്ക്കാരും ജനമൈത്രി പൊലീസും സ്വീകരിച്ച നടപടികള് വിശദീകരിച്ച് നല്കുകയും ചെയ്യും. മടങ്ങാന് താല്പര്യമുളളവര്ക്ക് നാട്ടിലേക്ക് ട്രെയിന് സര്വ്വീസ് ആരംഭിക്കുന്ന മുറയ്ക്ക് തിരിച്ചുപോകാമെന്നും അറിയിക്കും.
കോഴിക്കോട് നിന്ന് ഒറീസയിലേക്ക് 17 സൈക്കിളുകളിലായി പോകാന് ശ്രമിച്ച ഒരു സംഘം തൊഴിലാളികളെ പൊലീസ് ഇടപെട്ട് തടയുകയും ക്യാമ്പുകളിലേക്ക് തിരിച്ച് അയയ്ക്കുകയും ചെയ്യുകയുണ്ടായി. ട്രെയിന് സര്വ്വീസ് ആരംഭിക്കുന്ന മുറയ്ക്ക് അവര്ക്ക് നാട്ടിലേക്ക് മടങ്ങാന് അവസരമൊരുക്കും
