മുംബൈ: ബോളിവുഡ് പ്രമുഖ നടന്‍ നവാസുദ്ദീന് സിദ്ദിഖിയും ഭാര്യ ആലിയ സിദ്ദിഖിയും വേര്‍പരിയിരുന്നു. ലോക്ക്ഡൗണ്‍ മൂലം ഇ-മെയല്‍ ആയും വാട്ട്‌സ്ആപ്പും വഴിയുമായി വിവാഹമോചനത്തിനുള്ള നോട്ടീസ് അഭിഭാഷകന്‍ മുഖേന നവാസുദ്ദീന് ആലിയ അയച്ചത്. നോട്ടീസിനോട് ഇതുവരെ നവാസുദ്ദീന് പ്രതികരിച്ചിട്ടില്ല. എന്നാല്‍, തന്റെ തീരുമാനം ഉറച്ചതാണെന്നും ഇനി മുതല്‍ താന്‍ ആലിയ സിദ്ദിഖി അല്ല മറിച്ച് അഞ്ജലി കിഷോര്‍ സിങ് ആയിരിക്കുമെന്നും അവര്‍ വ്യക്തമാക്കി. മേയ് എഴിനാണ് വിവാഹമോചനത്തിന് നോട്ടീസ് അയച്ചത്.
വിവാഹിജീവതത്തില്‍ കുറേനാളുകളായി പ്രശ്‌നങ്ങള്‍ ഉണ്ടായിരുന്നു.ഞങ്ങള്‍ തമ്മിലുള്ള പരസ്പവിശ്വാസം നഷ്ടപ്പെട്ടു. ഇനി ആലിയ ആയി തുടര്‍ന്നിട്ട് കാര്യമില്ല, പഴയ പേരിലേക്ക് മടങ്ങിപോകുന്നതാണ് നല്ലതെന്നും അവര്‍ ഒരു ദേശീയ മാധ്യമത്തിനു നല്‍കിയ അഭിമുഖത്തില്‍ വ്യക്തമാക്കി. സ്ത്രീകളായ സഹപ്രവര്‍ത്തകരുമായുള്ള വഴിവിട്ട ബന്ധത്തില്‍ പലതവണ വിവാദത്തില്‍പെട്ടയാളാണ് നവാസുദ്ദീന്. അതില്‍ ഏറ്റവും അധികം വിവാദമായത് നടിയായ നിഹാരിക സിങ്ങുമായുള്ള ബന്ധമാണ്. ആത്സകഥയില്‍ നവാസുദ്ദീന് തന്നെയാണ് ഈ ബന്ധത്തെ പറ്റി വെളിപ്പെടുത്തിയത്. തങ്ങളുടെ സൗഹൃദം ശാരീരിക ബന്ധത്തിലേക്ക് വളര്‍ന്നെന്ന് സിദ്ദിഖി വെളിപ്പെടുത്തിയിരുന്നു.
നവാസുദ്ദീന്റെ ആത്മകഥയായ ആന്‍ ഓര്‍ഡിനറി ലൈഫ്: എ മെമ്മോയറില്‍ നിഹാരിയെ കുറിച്ച് വെളിപ്പെടുത്തല്‍ നടത്തിയത്. സിനിമാലോകം ഒന്നാകെ അമ്പരന്നിരുന്നിരുന്നു വെളിപ്പെടുത്തലില്‍. നിഹാരികയുമായി തനിക്കുണ്ടായിരുന്നത് വഴിവിട്ട ബന്ധമായിരുന്നു. ഒരു ദിവസം നൃത്തരംഗം ചിത്രീകരിക്കുന്നതിനിടയിലാണ് നിഹാരികയ്‌ക്ക് വല്ലായ്മ തോന്നിയത്. എന്താണ് സംഭവിച്ചതെന്നറിയാന്‍ താന്‍ പലതവണ ശ്രമിച്ചിരുന്നു. എന്നാല്‍ അന്നൊന്നും സാധിച്ചില്ല. മുന്‍പ് നന്നായി ഇടപഴകിയിരുന്ന അവര്‍ പെട്ടെന്ന് താനുമായുള്ള സംസാരവും കുറച്ചിരുന്നു. നിരന്തരമായ ശ്രമത്തിനൊടുവില്‍ അവര്‍ പഴയത് പോലെ സംസാരിക്കാനും ഇടപഴകാനും തുടങ്ങി.
ഇതോടെയാണ് തനിക്ക് സമാധാനമായതെന്ന് നവാസുദ്ദീന് സിദ്ദിഖി കുറിച്ചിട്ടുണ്ട്.താനുമായി നല്ല സൗഹൃദത്തിലായിരുന്ന നിഹാരികയെ ഒരു ദിവസം വീട്ടിലേക്ക് ക്ഷണിച്ചു. ക്ഷണം സ്വീകരിച്ച് വീട്ടിലെത്തിയ അവര്‍ താനുണ്ടാക്കിയ ഭക്ഷണവും കഴിച്ച് മടങ്ങുന്നതിനിടയില്‍ എന്നെ വീട്ടിലേക്ക് ക്ഷണിച്ചിരുന്നു. നിഹാരികയുടെ ക്ഷണപ്രകാരം താന്‍ അവരുടെ വീട്ടിലേക്ക് പോയി. അവിടെ വെച്ച് അവരുമായി ശാരീരികമായി ഒന്നായെന്ന് താരം വെളിപ്പെടുത്തി. പിന്നീട് തന്റെ മറ്റൊരു പ്രണയം കണ്ടെത്തിയതോടെ നിഹാരിക തന്നില്‍ നിന്ന് അകന്നെന്നും പുസ്തകത്തില്‍ പറയുന്നു. എന്നാല്‍, പുസ്തകം വിറ്റഴിക്കാനുള്ള വ്യാജആരോപണങ്ങളാണ് ഇതെന്നായിരുന്നു നിഹാരികയുടെ പ്രതികരണം.
ഇത്തരത്തില്‍ പലസ്ത്രീകളുമായുള്ള ബന്ധമാണ് ഇപ്പോള്‍ ആലിയയുമായുള്ള വിവാഹബന്ധം വേര്‍പിരിയാന്‍ കാരണമെന്നാണ് റിപ്പോര്‍ട്ടുകള്‍. ഇവര്‍ക്ക് രണ്ടു മക്കളുണ്ട്- ഷോര സിദ്ദിഖ്, യാനി സിദ്ദിഖി. റംസാന്‍ ആഘോഷിക്കാനായി മുംബൈയില്‍ നിന്ന് കാര്‍മാര്‍ഗം യുപിയിലെ ബുദ്ധാനയിലെത്തിയ നവാസുദ്ദീനു കുടുംബവും ഇപ്പോള്‍ പതിനാല് ദിവസം ക്വാറൈന്റീനില്‍ കഴിയുകയാണ്.
പ്രതികരിക്കാൻ ഇവിടെ എഴുതുക: