കോഴിക്കോട്: പ്രമുഖ ഹോമിയോപതിക് ഭിഷഗ്വരന് ഡോ. എസ്. വിദ്യാ പ്രകാശ് അന്തരിച്ചു. 60 വയസായിരുന്നു. അസുഖത്തെ തുടര്ന്ന് ചികിത്സയിലായിരുന്ന അദ്ദേഹം ഇന്ന് പുലര്ച്ചെയാണ് മരണമടഞ്ഞത്.
പ്രമുഖ ഹോമിയോ ഡോക്ടറും കോഴിക്കോട് ഹോമിയോ കോളേജ് പ്രിന്സിപ്പലുമായിരുന്ന ഡോ. കെ.എസ്. പ്രകാശത്തിന്റെ മകനാണ്. സെന്ട്രല് കൗണ്സില് ഓഫ് ഹോമിയോപതിക്സിന്റെ എക്സിക്യൂട്ടീവ് കമ്മിറ്റി അംഗവും ഹോമിയോപതിക് ഡോക്റ്റര്മാരുടെ സംഘടനയായ ഐഎച്ച്കെയുടെ എക്സിക്യൂട്ടീവ് കമ്മിറ്റി അംഗമായിരുന്നു ഡോ. വിദ്യാപ്രകാശ്.
ഭാര്യ: രാജുല വിദ്യാ പ്രകാശ്. മക്കള്: ഡോ. വിദ്യാലക്ഷ്മി പ്രകാശ്, ഡോ. ശ്രീലക്ഷ്മി പ്രകാശ്, ഡോ, രാജ് പ്രകാശ്. സംസ്കാരം ഇന്ന് (15.05.20) വൈകുന്നേരം മൂന്നിന് കോഴിക്കോട് സിവില് സ്റ്റേഷന് മുന്പിലെ വീട്ടുവളപ്പില് നടക്കും.
