മുംബൈ: മുംബൈ ഭീകരാക്രമണകേസിലെ പാക് ഭീകരന്‍ അജ്മല്‍ കസബിനെ തിരിച്ചറിയാന്‍ സഹായിച്ച ഹരിശ്ചന്ദ്ര ശ്രീവര്‍ധാങ്കര്‍ തീർത്തും അവശനിലയിൽ. വിവരമറിഞ്ഞ ബിജെപി മഹാരാഷ്ട്ര നേതൃത്വം സഹായവുമായി രംഗത്തെത്തി. 10 ലക്ഷം രൂപയുടെ ധനസഹായമാണ്‌ ഇദ്ദേഹത്തിന് ബി.ജെ.പി പ്രഖ്യാപിച്ചത്.
പ്രായാധിക്യവും രോഗപീഡയും മൂലംഅവശനിലയിലായ ഇയാളെ അടുത്തിടെയാണ് വഴിയരികില്‍ കിടക്കുന്ന നിലയില്‍ കണ്ടെത്തിയത്. ഭക്ഷണം പോലും കിട്ടാത്ത അവസ്ഥയിലായിരുന്നു. അവശനിലയിലായ ഹരിശ്ചന്ദ്ര ശ്രീവര്‍ധാങ്കറിനെ ഡീന്‍ ഡിസൂസയെന്ന കടയുടമയാണ് തിരിച്ചറിഞ്ഞത്. ഒരു അഗതിമന്ദിരത്തില്‍ എത്തിച്ച ശേഷം ഡീന്‍ വിഷയം മാദ്ധ്യമങ്ങളെ അറിയിച്ചു. അങ്ങനെയാണ് ബിജെപി സംഭവം അറിഞ്ഞതും സഹായം പ്രഖ്യാപിച്ചതും.
ഭീകരാക്രമണത്തിനിടെ വെടിയേറ്റ ഇദ്ദേഹം തീവ്രവാദികളില്‍ ഒരാളെ ബാഗുകൊണ്ട് അടിക്കുകയും ചെയ്തിരുന്നു.വിചാരണവേളയില്‍ ഇദ്ദേഹം കസബിനെ തിരിച്ചറിഞ്ഞിരുന്നു.
പ്രതികരിക്കാൻ ഇവിടെ എഴുതുക: