മുംബൈ: കൊറോണ വൈറസ് വ്യപകമായതിനെ തുടര്ന്ന് പ്രതിസന്ധിയിലായ മഹാരാഷ്ട്ര പോലീസിന് സഹായ ഹസ്തവുമായി ഇന്ത്യന് ക്രിക്കറ്റ് ടീം ക്യാപ്റ്റന് വിരാട് കോഹ്ലിയും ഭാര്യ അനുഷ്ക ശര്മ്മയും. ഇരുവരും അഞ്ച് ലക്ഷം രൂപ വീതമാണ് മുംബൈ പോലീസിന് നല്കിയത്.
കൊറോണ വൈറസിനെതിരായ പോരാട്ടത്തിന്റെ മുന്നിരയിലുള്ള ഒരു കൂട്ടമാളുകളുടെ ജീവിതത്തിന് കൂടുതല് സുരക്ഷ നല്കാന് ഈ സംഭാവന ഉപകരിക്കുമെന്ന് തീര്ച്ചയാണെന്ന് മുംബൈ സിറ്റി പോലീസ് കമ്മീഷണര് പരംബീര് സിങ് ട്വിറ്ററില് കുറിച്ചു.
നേരത്തെ, പ്രധാനമന്ത്രിയുടെ കെയേഴ്സ് ഫണ്ടിലേക്കും മഹാരാഷ്ട്ര മുഖ്യമന്ത്രിയുടെ ദുരിതാശ്വാസ നിധിയിലേക്കും ഇരുവരും തുക വെളിപ്പെടുത്താതെ സംഭാവന നല്കിയിരുന്നു. ഇന്ത്യയില് ഏറ്റവും കൂടുതല് കൊവിഡ് ബാധിതരുള്ള സംസ്ഥാനമാണ് മഹാരാഷ്ട്ര. കൂടുതല് കൊവിഡ് മരണങ്ങളും ഇതുവരെ റിപ്പോര്ട്ട് ചെയ്യപ്പെട്ടത് മഹാരാഷ്ട്രയിലാണ്.
