ആലപ്പുഴ: ജന്മനാട്ടിലേക്ക് മടങ്ങിയ പ്രവാസികള്ക്ക് വായിക്കാന് മന്ത്രിമാരുടെ കവിതയും, ലേഖനങ്ങളും. തണ്ണീര്മുക്കത്തെ കെടിഡിസിയില് നിരീക്ഷണത്തില് കഴിയുന്നവര്ക്ക് മന്ത്രി ജി. സുധാകരന്റെ കവിതകളും, തോമസ് ഐസക്കിന്റെ ലേഖനങ്ങളുമാണ് സമ്മാനിച്ചത്.
ഇവിടെ എത്തിയ പ്രവാസികള്ക്ക് മധുരവും പ്രാഥമിക ആവശ്യങ്ങള്ക്കായുളള അവശ്യ വസ്തുക്കളും ഇവയ്ക്കൊപ്പംതണ്ണീര്മുക്കം ഗ്രാമപഞ്ചായത്ത് നല്കി. ബക്കറ്റുകള്, മഗ്ഗുകള്, തോര്ത്ത്, ടൂത്ത്പേസ്റ്റ്, സോപ്പ്, ടവ്വല്, മാസ്ക്, സാനിറ്റൈസര്, ബ്രഷ്, മെഴുക് തിരി, തീപ്പെട്ടി, തുടങ്ങി അമ്പതോളം അവശ്യ വസ്തുക്കളാണ് ഗ്രാമപഞ്ചായത്ത് എത്തിച്ചു നല്കിയത്. പഞ്ചായത്തിന്റെ ഈ പ്രവര്ത്തനങ്ങള് അറിഞ്ഞാണ് മന്ത്രിമാരുടെ നടപടി. ഇരുപത്തിനാലു മണിക്കൂറും പ്രവര്ത്തിക്കുന്ന ഹെല്പ്പ്ഡെസ്ക്കിനും പഞ്ചായത്തില് തുടക്കം കുറിച്ചു.
