പാലക്കാട്: കേരളത്തിലേയ്‌ക്ക് തമിഴ്‌നാട്ടിലെ റെഡ് സോണ്‍ ജില്ലയായ തിരുവള്ളൂരില്‍ നിന്നെത്തിയ 117 വിദ്യാര്‍ഥികള്‍, സംസ്ഥാനത്ത് ഏര്‍പ്പെടുത്തിയ ക്വാറന്റൈനില്‍ കഴിഞ്ഞില്ലെന്നത് ആശങ്ക പരത്തുന്നു. കോട്ടയം, എറണാകുളം, തൃശൂര്‍, മലപ്പുറം ജില്ലകളിലേക്കാണ് ഇവര്‍ എത്തിയെന്നാണ് റിപ്പോര്‍ട്ട്.
സര്‍ക്കാര്‍ ക്വാറന്റീന്‍ നിര്‍ദേശിച്ചാണു 117 പേരെയും ജില്ലകളിലേക്കു വിട്ടതെന്നും വിദ്യാര്‍ഥികള്‍ പാലിച്ചില്ലെന്നുമാണ് വാളയാര്‍ ചെക്‌പോസ്റ്റിലെ ദേശീയ ആരോഗ്യ മിഷന്‍ പാലക്കാട് ജില്ലാ പ്രോഗ്രാം മാനേജര്‍ ഡോ.രചന ചിദംബരം പറയുന്നത്. തിരുവള്ളൂര്‍ ജില്ലയില്‍ ഇന്നലെ മാത്രം 75 പേര്‍ക്കാണു കൊവിഡ് സ്ഥിരീകരിച്ചത്. ഇവിടെ മൊത്തമായി 270 രോഗികളാണുള്ളത്.
കണ്ണൂരില്‍ ക്വാറന്റീനു സന്നദ്ധത പ്രകടിപ്പിച്ചവരുടെ കാര്യത്തില്‍ പോലും നടപടിയുണ്ടായില്ല. 34 വിദ്യാര്‍ഥികളെ കണ്ടെത്താന്‍ കോട്ടയം ജില്ലാ ഭരണകൂടം ശ്രമം ആരംഭിച്ചു. മറ്റു സംസ്ഥാനങ്ങളില്‍ നിന്നു വരുന്നവരുടെ ക്വാറന്റീന്‍ വ്യവസ്ഥകള്‍ പാലിക്കുന്നതില്‍ വേറെയും വീഴ്ചയുണ്ടെന്നു സംശയമുണ്ട്.
പ്രതികരിക്കാൻ ഇവിടെ എഴുതുക: