പള്ളുരുത്തി: വിദേശ മദ്യവുമായി പോലീസുകാരനും കൂട്ടാളിയും എക്സെസ് പിടിയില്. പള്ളുരുത്തി പള്ളിച്ചാല് ലക്ഷ്മി വീട്ടില് വിഘ്നേശ് (30), പള്ളുരുത്തി തൈവീട്ടില് ഡിബിന് (34) എന്നിവരെയാണ് എക്സൈസ് സ്പെഷ്യല് സ്ക്വാഡ് എസ്ഐ ശ്രീരാജിന്റെ നേതൃത്വത്തില് അറസ്റ്റ് ചെയ്തത്.
ഡിബിന് കൊച്ചി എആര് ക്യാംപിലെ സിവില് പോലീസ് ഓഫീസറാണ്. ഇവര്ക്കൊപ്പമുള്ള മറ്റൊരു പോലീസുകാരനായ മുവാറ്റുപുഴ സ്വദേശി ബേസില് ജോസ് ഒളിവിലാണ്. ഇയാള് തൃപ്പുണിത്തുറ എആര് ക്യാമ്പിലെ സിവില് പോലീസ് ഓഫീസറാണ്.
രഹസ്യ വിവരത്തിന്റെ അടിസ്ഥാനത്തില് വ്യാഴാഴ്ച ഉച്ചയോടെ ഒന്നാം പ്രതി വിഘ്നേശിന്റെ വീട്ടില് നിന്നാണ് വിദേശ മദ്യം പിടികൂടിയത്. സ്റ്റിക്കര് പതിക്കാത്ത അര ലിറ്റര് വീതമുള്ള 29 കുപ്പികളില് നിന്നായി പതിനാലര ലിറ്റര് മദ്യമാണ് പിടിച്ചെടുത്തത്.
തൃശൂരില് നിന്നാണ് മദ്യം എത്തിക്കുന്നതെന്ന് പ്രതികള് ചോദ്യം ചെയ്യലില് എക്സൈസിനോട് പറഞ്ഞു. എസ്ഐ ശ്രീരാജിന് പുറമേ പ്രിവന്റീവ് ഓഫീസര് സിജി പോള്, സിവില് എക്സൈസ് ഓഫീസര്മാരായ അനീഷ്. കെ. ജോസഫ്, കെ.കെ. രാജേഷ്, സിവില് എക്സൈസ് ഓഫീസര് അഞ്ജു ആനന്ദ്, ഡ്രൈവര് മനോജ് എന്നിവരുടെ നേതൃത്വത്തിലായിരുന്നു പരിശോധന. പ്രതികളെ മട്ടാഞ്ചേരി റേഞ്ചിലേക്ക് കൈമാറി.
