കാഞ്ഞാര്‍: തലയനാട് പരപ്പിന്‍കര ഈരാമിത്ര സോമന്റേയും ഓമനയുടെയും മക്കള്‍ അഞ്ജുവിനെയും അജ്ഞനയെയും കുടയത്തൂര്‍ മേലേടത്ത് ചന്ദ്രന്റെയും ശാരദാമ്മയുടെയും മക്കളും ഇരട്ടസഹോദരന്മാരുമായ അഭിലാഷും അനീഷുമാണ് മിന്ന് ചാര്‍ത്തിയത്. വ്യാഴാഴ്ച ആയിരുന്നു ഇവരുടെ വിവാഹം.
അഞ്ജുവിനെ അഭിലാഷും അഞ്ജനെയെ അനീഷും ജീവിത സഖിയാക്കി. വയനക്കാവ് ദേവി ക്ഷേത്രത്തില്‍ വെച്ച് നടത്തുവാന്‍ നിശ്ചയിച്ച വിവാഹം ലോക്ക് ഡൗണ്‍ സാഹചര്യത്തില്‍ വീട്ടിലാണ് നടത്തിയത്. ഇരട്ടക്കുട്ടികളുടെ വിവാഹത്തില്‍ പങ്കെടുക്കാന്‍ ബന്ധുക്കളും സുഹൃത്തുക്കളും ആകാംക്ഷയോടെ കാത്തിരുന്നിട്ടും ലോക് ഡൗണ്‍ വില്ലനായി മാറി.
നിബന്ധനപ്രകാരം 20 പേരെ മാത്രം ഉള്‍പ്പെടുത്തി വിവാഹം നടത്താന്‍ വീട്ടുകാര്‍ വളരെ ബുദ്ധിമുട്ടി. ആളും ആരവവുമില്ലാതെ പ്രതിസന്ധി ഘട്ടത്തിലും ജീവിത പാതയില്‍ പാഥേയമാകാന്‍ ഇരട്ട സഹോദരന്‍മാര്‍ക്ക് ഇരട്ട സഹോദരിമാര്‍ കൂട്ടായി എത്തിയപ്പോള്‍ ചടങ്ങില്‍ പങ്കെടുക്കാന്‍ സാധിക്കാത്ത ബന്ധുമിത്രാദികള്‍ മനസുകൊണ്ട് ആശംസകള്‍ നേര്‍ന്നു.
പ്രതികരിക്കാൻ ഇവിടെ എഴുതുക: