പാരീസ്: ഫ്രഞ്ച് ഓപ്പണ്‍ കാണാനായി ടിക്കറ്റെടുത്തവര്‍ക്ക് തുക മടക്കി നല്‍കുമെന്ന് സംഘാടകര്‍ അറിയിച്ചു. കൊറോണ മഹാമാരിയെ തുടര്‍ന്ന് അനിശ്ചിതത്വം നിലനില്‍ക്കുന്ന സാഹചര്യത്തിലാണ് ടിക്കറ്റുകള്‍ റിഫണ്ട് ചെയ്യുന്നത്.
റോളാങ് ഗാരോസില്‍ മെയ് 24 മുതല്‍ ജൂണ്‍ ഏഴുവരെയാണ് ഫ്രഞ്ച് ഓപ്പണ്‍ നടത്താന്‍ നിശ്ചയിച്ചിരുന്നത്. കൊറോണ വ്യാപനത്തെ തുടര്‍ന്ന് സെപ്തംബറിലേക്ക് മത്സരം മാറ്റിവച്ചിരിക്കുകയാണ്. സെപ്തംബര്‍ ഇരുപത് മുതല്‍ ഒക്‌ടോബര്‍ നാലുവരെയാണ് ഫ്രഞ്ച് ഓപ്പണ്‍ നടക്കുക.
കളികാണാന്‍ ടിക്കറ്റ് എടുത്തവര്‍ക്ക് മെയ് അവസാനത്തോടെ തുക മടക്കി നല്‍കും. പുതിയ ടിക്കറ്റുകള്‍ക്കുള്ള നടപടികള്‍ പിന്നീട് ആരംഭിക്കുമെന്നും സംഘാടകര്‍ പറഞ്ഞു.
പ്രതികരിക്കാൻ ഇവിടെ എഴുതുക: