കോട്ടയം: തമിഴ്‌നാട്ടിലെ നാമക്കലില്‍ നിന്ന് കോട്ടയത്തേയ്‌ക്ക് മുട്ടയുമായെത്തിയ ലോറി ഡ്രൈവര്‍ക്ക് കൊറോണ സ്ഥിരീകരിച്ചതോടെ ഇയാളുമായി സമ്പര്‍ക്കം പുലര്‍ത്തിയ 10 പേര്‍ ജില്ലയില്‍ നിരീക്ഷണത്തില്‍. ഇതിന് പുറമേ ഇയാള്‍ മുട്ടകള്‍ വിതരണം ചെയ്ത മൂന്ന് കടകളും അടച്ചു പൂട്ടി. അയര്‍കുന്നം, സംക്രാന്തി എന്നിവിടങ്ങളിലെയും കോട്ടയം നഗരത്തിലെയും ഓരോ കടകള്‍ വീതമാണ് അടപ്പിച്ചത്.
കഴിഞ്ഞ മൂന്നാം തീയതിയാണ് ഇയാള്‍ മുട്ടയുമായി കോട്ടയത്ത് എത്തിയത്. നാലാം തീയതി തന്നെ ഇയാള്‍ തിരിച്ച് നാമക്കലിലേക്ക് മടങ്ങുകയും ചെയ്തിരുന്നു. എന്നാല്‍ വെണ്ടന്നൂര്‍ ചെക്പോസ്റ്റില്‍വെച്ച് ശേഖരിച്ച സാമ്പിള്‍ പരിശോധനയില്‍ കൊറോണ സ്ഥിരീകരിക്കുകയായിരുന്നു.
പ്രതികരിക്കാൻ ഇവിടെ എഴുതുക: