കാസര്‍കോട്: കാസര്‍കോട് ജില്ലയില്‍ ഇന്നലെ ആര്‍ക്കും കോവിഡ് 19 പോസിറ്റീവ് കേസുകളില്ല. ചികിത്സയിലുണ്ടായിരുന്ന ഒരാള്‍ രോഗം ഭേദമായി ആശുപത്രി വിട്ടു. ഉക്കിനടുക്ക മെഡിക്കല്‍ കോളേജില്‍ ചികിത്സയിലായിരുന്ന വിദേശത്ത് നിന്നും വന്ന 41 വയസുള്ളയാള്‍ ആശുപത്രി വിട്ടു. ഉദുമ സ്വദേശിയും കാഞ്ഞങ്ങാട് ജില്ലാ ആശുപത്രിയില്‍ ചികിത്സയില്‍ കഴിഞ്ഞിരുന്ന ഏഴ് വയസുള്ള കാസര്‍കോട് മുന്‍സിപ്പാലിറ്റി സ്വദേശി ഇന്ന് ഡിസാചാര്‍ജ്ജാകും.
ഇതോടെ ജില്ലയില്‍ കോവിഡ് 19 പോസിറ്റീവായ നാല് പേര് മാത്രമാണ് (ചെങ്കള 2, ചെമ്മനാട് 1, അജാനൂര്‍ 1) ചികിത്സയിലുള്ളത്. ജില്ലയില്‍ 1371 പേരാണ് നിരീക്ഷണത്തിലുള്ളത്. ഇതില്‍ വീടുകളില്‍ 1346 പേരും ആശുപത്രികളില്‍ 25 പേരുമാണ് നിരീക്ഷണത്തിലുള്ളത്. 340 സാമ്പിളുകളുടെ പരിശോധന ഫലം ലഭിക്കാനുണ്ട്. പുതിയതായി ഒരാളെകൂടി ഐസൊലേഷന്‍ വാര്‍ഡില്‍ പ്രവേശിപ്പിച്ചു. നിരീക്ഷണത്തിലുള്ള 262 പേര് നിരീക്ഷണകാലയളവ് പൂര്‍ത്തീകരിച്ചു.
അതിര്‍ത്തി പ്രദേശങ്ങളിലെ ആരോഗ്യ സ്‌ക്രീനിങ് ക്യാമ്പുകള്‍ തലപ്പാടി ചെക്‌പോസ്റ്റിലും കാലിക്കടവിലുമായി പ്രവര്‍ത്തനം ആരംഭിച്ചു. അതിര്‍ത്തി പ്രദേശങ്ങളില്‍ നിയോഗിക്കപ്പെട്ട മുഴുവന്‍ ഉദ്യോഗസ്ഥരും ശാരീരിക അകലം പാലിക്കുകയും വ്യക്തി സുരക്ഷാ മാര്‍ഗങ്ങള്‍ അവലംബിച്ചു കൊണ്ടുള്ള പ്രവര്‍ത്തനങ്ങളില്‍ വ്യാപൃതരാകുന്നതിനു ശ്രദ്ധിക്കേണ്ടതാണെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.
പ്രതികരിക്കാൻ ഇവിടെ എഴുതുക: