കുറച്ച് നാളുകളായി ധ്യാന് ശ്രീനിവാസന്റെ തടി കൂടിയ ലൂക്ക് ആയിരുന്നു നമ്മള് കാണുന്നത്. എന്നാല് കുറച്ച് ദിവസങ്ങള്ക്ക് മുന്പ് തന്റെ തടി കുറിച്ച് തുടക്ക കാലത്തെ ഓര്മിപ്പിക്കുന്ന തരത്തിലേക്ക് ധ്യാന് തിരിച്ചെത്തിയിരുന്നു. അജു വര്ഗീസ് ആയിരുന്നു ധ്യാനിന്റെ ചിത്രങ്ങള് സോഷ്യല് മീഡിയില് ഷെയര് ചെയ്തത്. ഇപ്പോഴിതാ വണ്ണം കുറച്ചു കൊണ്ടുള്ള തന്റെ ഈ മാറ്റത്തിന്റെ മുഴുവന് ക്രെഡിറ്റും അച്ഛനാണെന്ന് പറയുകയാണ് ധ്യാന്.
ഹോട്ടല് ഒകെ പൂട്ടിയല്ലോ, അപ്പോള് വീട്ടില് ഉളള ഫുഡ് ആണേ. അതും അച്ഛന്റെ കൂടെ ഇരുന്ന് കഴിക്കുമ്പോള് കൂടുതല് കഴിച്ചാല് പുളളി ഒരു വൃത്തിക്കെട്ട നോട്ടം നോക്കും. അങ്ങനെ ഇങ്ങനെയായി. ചോദിച്ചാ വര്ക്കൗട്ട്, ഡയറ്റ് എന്നൊക്കെ പറയും. ധ്യാന് പറയുന്നു.
അടിപൊളി തിരിച്ചുവരവാണ് സദാ എന്നാണ് അജു വര്ഗീസ് നേരത്തെ ധ്യാനിന്റെ മേക്കോവറിനെക്കുറിച്ച് പറഞ്ഞത്. ശരീര ഭാരം കുറച്ച് തന്റെ തുടക്ക കാലത്തെ ഓര്മ്മിപ്പിക്കുന്ന രൂപത്തിലേക്ക് മാറിയിരിക്കുകയാണ് ധ്യാന്. തെലുങ്കിലെ സൂപ്പര് ഹിറ്റ് ചിത്രം എജന്റ് സായി ശ്രീനിവാസ ആത്രേയയുടെ മലയാളം റീമേക്കിലാണ് ധ്യാന് ശ്രീനിവാസന് അഭിനയിക്കാന് ഒരുങ്ങുന്നത്.
