വടകര: വടകര മുനിസിപ്പാലിറ്റി വെളുത്തമല വാര്‍ഡിലെ മുഴുവന്‍ ജനങ്ങള്‍ക്കും പോലീസുകാര്‍ക്കും കൗണ്‍സിലര്‍ സിന്ധുവിന്റെ നേതൃത്വത്തില്‍ സൗജന്യമായി മാസ്‌ക്കുകള്‍ നല്‍കി. 480 വീടുകളിലായി രണ്ടായിരത്തിലധികം മാസ്‌ക്കുകളാണ് സിന്ധുവിന്റെ നേതൃത്വത്തില്‍ നേരിട്ടെത്തിച്ചത്.
നിരവധി വീടുകളില്‍ സൗജന്യ ഭക്ഷ്യ, പച്ചക്കറി കിറ്റുകളും വിതരണം ചെയ്തു. വിളിച്ചു പറയുന്നതനുസരിച്ച് വീടുകളില്‍ മരുന്നുകളെത്തിച്ചും കൊറോണക്കാലത്ത് മാതൃകയാവുകയാണ് ഈ കൗണ്‍സിലര്‍. കുടുംബശ്രീ അംഗങ്ങളും നാട്ടുകാരായ തയ്യല്‍ക്കാരും ചേര്‍ന്ന് സൗജന്യമായാണ് മാസ്‌ക്കുകള്‍ തയ്ച്ച് നല്‍കുന്നത്.
കോഴിക്കോട് കോര്‍പ്പറേഷന്‍ ബിജെപി 80-ാം ബൂത്ത് കമ്മറ്റിയുടെ നേതൃത്വത്തില്‍ പോലീസുകാര്‍ക്ക് മാസ്‌ക്ക് വിതരണം ചെയ്തു. ബിജെപി ജില്ലാ വൈസ്പ്രസിഡന്റ് ബി.കെ. പ്രേമന്‍ ഉദ്ഘാടനം ചെയ്തു. ഹരീന്ദ്രന്‍, കൃഷ്ണകുമാര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: