മാവുങ്കാല്‍: മാവുങ്കാല്‍ ആനന്ദാശ്രമത്തിലെ 70 ഓളം അന്തേവാസികള്‍ക്ക് ജില്ലാ കോവിഡ് റസ്‌പോണ്‍സ് സെല്ലിന്റെ ആഭിമുഖ്യത്തില്‍ ജില്ലാ ആയുര്‍വേദ മെഡിക്കല്‍ ഓഫീസര്‍ ഡോ: സ്റ്റെല്ലാ ഡേവിഡിന്റെ നേതൃത്വത്തില്‍ ആയുര്‍വ്വേദ കോവിഡ് റെസ്‌പോണ്‍സ് സെല്‍ ജില്ലാ കോര്‍ഡിനേറ്റര്‍ ഡോ: ഇന്ദു ദിലീപ്, (ജില്ലാ ആയുര്‍വ്വേദ ആശുപത്രി പടന്നക്കാട് സീനിയര്‍ മെഡിക്കല്‍ ഓഫിസര്‍) അജാനൂര്‍ ആയുഷ് പിഎച്ച്‌സി മെഡിക്കല്‍ ഓഫീസര്‍ ഡോ: സീമ ജി.കെ എന്നിവര്‍ ചേര്‍ന്ന് ആനന്ദാശ്രമത്തിലെത്തി പ്രതിരോധ ഔഷധക്കിറ്റുകള്‍ നല്‍കി.
ഔഷധങ്ങള്‍ കഴിക്കാനുള്ള ക്രമങ്ങളും ആഹാരക്രമം, ജീവിത ശൈലി ഇവയില്‍ വരുത്തേണ്ട മാറ്റങ്ങളെ കുറിച്ചും നിര്‍ദ്ദേശങ്ങള്‍ നല്‍കി. ആയുര്‍ രക്ഷാ ക്ലിനിക്കുകളിലൂടെ സ്വാസ്ഥ്യം, സുഖായുഷ്യം എന്നി പദ്ധതികളുടെ ഭാഗമായി ജനങ്ങളുടെ രോഗ പ്രതിരോധശേഷി വര്‍ദ്ധിപ്പിക്കുന്നതിനും, ആരോഗ്യ സംരക്ഷണത്തിനും വേണ്ടിയുള്ള ഔഷധ വിതരണവും, ആരോഗ്യ ബോധവത്ക്കരണ പരിപാടികളും നിലവില്‍ ജില്ലാ ആയുര്‍വേദ കോവിഡ് റെസ്‌പോണ്‍സ് സെല്ലിലുടെയാണ് ജനങ്ങളിലേക്കെത്തിക്കുന്നതെന്ന് അവര്‍ പറഞ്ഞു.
പ്രതികരിക്കാൻ ഇവിടെ എഴുതുക: