കണ്ണൂര്‍: പെന്‍ഷന്‍ തുകയില്‍ നിന്നും ഒരു വിഹിതം പ്രധാനമന്ത്രി നരേന്ദ്ര മോദിയുടെ ദുരിതാശ്വാസ നിധിയിലേക്ക് സമര്‍പ്പിച്ച് പൂര്‍വ്വ സൈനീകര്‍. പൂര്‍വ്വ സൈനിക സേവാ പരിഷത്ത് കണ്ണൂര്‍ ജില്ലാ കമ്മിറ്റിയുടെ നേതൃത്വത്തിലാണ് വിരമിച്ച സൈനികര്‍ ഒരുലക്ഷം രൂപ നല്‍കാന്‍ തീരുമാനിച്ചതായി ജില്ലാ പ്രസിഡന്റ് പി.ആര്‍. രാജന്‍ അറിയിച്ചു.
തുകയുടെ നേര്‍പകുതി അമ്പതിനായിരം രൂപ മയില്‍ കൊളശ്ശേരി സ്വദേശിയും 86 കാരനുമായ റിട്ട. സുബേദാര്‍ എ.കെ. നാരായണന്റേതാണ്. അദ്ദേഹ തുക നല്‍കി കൊണ്ടാണ് തുകയുടെ സമാഹരണത്തിന് തുടക്കമിട്ടത്. ആര്‍എസ്എസ് സ്വയം സേവകനായ നാരായണന്‍ 1956 ലാണ് ഇന്ത്യന്‍ ആര്‍മിയിലെ മദ്രാസ് റെജിമെന്റ് സെന്ററില്‍ ചേര്‍ന്നത്.
1962, 1962, 1965, 1971 എന്നീ മൂന്ന് യുദ്ധങ്ങളിലും പങ്കെടുത്ത നാരായണന്‍ 1983 ല്‍ പെന്‍ഷന്‍ പറ്റി. ഭാര്യ സി.എച്ച്. സുലോചന പൂര്‍വ്വ സൈനിക സേവാ പരിഷത്തിന്റെ കണ്ണൂര്‍ ജില്ലയുടെ രക്ഷാധികാരിയായി പ്രവര്‍ത്തിക്കുന്നു. സുബേദാര്‍ എ.കെ. നാരായണനെ ബന്ധപ്പെടേണ്ട നമ്പര്‍ 9497392547.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: