തിരുവനന്തപുരം: ഇന്ത്യന് പ്രധാനമന്ത്രിക്കെതിരെയും ആഭ്യന്തരമന്ത്രിക്കെതിരെയും മാതാ അമൃതാനന്ദമയിക്കെതിരെയും സോഷ്യല് മീഡിയയില് വ്യാജപ്രചരണം നടത്തിയ ഇടത് ഇസ്ലാമിസ്റ്റ് പ്രവര്ത്തക മാപ്പ് പറഞ്ഞ് രംഗത്ത്. മലപ്പുറം സ്വദേശിയും ബാഗ്ലൂര് സ്ഫോടന കേസിലെ പ്രതിയായ മദനിയുടെ അനുയായിയുമായ നബീസ നബീസ എന്ന സ്ത്രീയാണ് എല്ലാവരോടും മാപ്പ് അപേക്ഷിച്ച് രംഗത്തെത്തിയിരിക്കുന്നത്. സോഷ്യല് മീഡിയയില് ലൈവ് ഇട്ടാണ് ഇവര് പ്രധാനമന്ത്രിയെയും അമിത്ഷായെയും അമൃതാന്ദമയിയെയും അപമാനിക്കുകയും കൊല്ലണമെന്ന് ആഹ്വാനം ചെയ്തത്. കൊറോണക്കിടെ മാതാ അമൃതാനന്ദമയിയെ വെടിവെച്ചു കൊല്ലണമെന്നും ഇവര് വീഡിയോയില് പറഞ്ഞിരുന്നു.
തുടര്ന്ന് കേരളത്തിന്റെ വിവിധ പോലീസ് സ്റ്റേഷനുകളില് വിവിധ സംഘടനകളും മാതാ അമൃതാനന്ദമയി ഭക്തരും ഈ സ്ത്രീക്കെതിരെ പരാതി നല്കിയിരുന്നു. തുടര്ന്ന് നബീസക്കെതിരെ പതിനഞ്ചില് അധികം കേസുകളാണ് സംസ്ഥാനത്തെ വിവിധ പോലീസ് സ്റ്റേഷനുകളിലായി എടുത്തിരിക്കുന്നത്. കേസില് നിയമനടപടികള് തുടങ്ങിയതോടെയാണ് ഇവര് മാപ്പ് പറഞ്ഞ് സോഷ്യല് മീഡിയയില് രംഗത്തെത്തിയത്.
യുവതിക്കെതിരെ തിരൂര് പോലീസാണ് ആദ്യ എഫ്ഐആര് രജിസ്റ്റര് ചെയ്തത്. മാര്ച്ച് 28നാണ് നബീസ നബീസ എന്ന ഫേസ്ബുക്ക് പേജില് അമൃതാനന്ദമയിയെ വധിക്കണമെന്ന് ആഹ്വാനം നല്കി യുവതി വീഡിയോ ചെയ്തു പ്രചരിപ്പിച്ചത്. മാതാ അമൃതാനന്ദമയിയെ വെടിവെച്ചു കൊല്ലണമെന്നു പറയുന്ന വീഡിയോയില് കൊറോണയുമായി അമൃതാനന്ദമയിയെ ബന്ധപ്പെടുത്തി മോശം പരാമര്ശങ്ങളുമുണ്ടായിരുന്നു. ഐപിസി 153 വകുപ്പു പ്രകാരം തിരൂര് എസ്ഐ അബ്ദുള് ജലീല് കറുത്തേടത്ത് ആണ് കേസെടുത്ത് അന്വേഷണം തുടങ്ങിയത്.
ഇന്ത്യന് പ്രധാനമന്ത്രിയെയും അമിത് ഷായോടും മാപ്പ് ചോദിക്കുന്നു. ഇത്തരം ഒരു പരാമര്ശം താന് നടത്തരുതായിരുന്നു. എന്റെ മനസിന് വന്ന പാകപ്പിഴകളായിരുന്നു ഇവര്ക്കെതിരെ നടത്തിയ വ്യാജ ആരോപണങ്ങള്. ആര്എസ്എസിനെതിരെയും ബിജെപിക്കെതിരെയും നിരവധി പ്രചരണങ്ങള് നടത്തിയിരുന്നു. ഇതെല്ലാം എന്റെ മനസിന് വന്ന പാകപ്പിഴകളാണ്. എല്ലാ ആര്എസ്എസ് ബിജെപി പ്രവര്ത്തകരോടും മാപ്പ് ചോദിക്കുന്നു. ഇവരെല്ലാം തനിക്ക് മാപ്പ് തരണമെന്നും സബീസ ഫേസ്ബുക്ക് ലൈവില് വന്ന് പറഞ്ഞു. ഇവര്ക്കെതിരെയുള്ള നിയമനടപടികള് കടുത്തതോടെയാണ് മാപ്പു പറച്ചിലുമായി ഇപ്പോള് എത്തിയിരിക്കുന്നത്.
