അന്തരിച്ച ബോളിവുഡ് നടന് ഋഷി കപൂറുമൊത്തുള്ള അനുഭവങ്ങള് പങ്കുവച്ച് നടന് പൃഥ്വിരാജ്. ഔറംഗ്സേബ് എന്ന ചിത്രത്തില് ഋഷി കപൂറിനൊപ്പം അഭിനയിക്കാന് സാധിച്ചത് വലിയൊരു ഭാഗ്യമായി കരുതുന്നുവെന്ന് ഫെയ്സ്ബുക്കിലൂടെ വ്യക്തമാക്കിയ പൃഥ്വിരാജ് ഇന്ത്യന് സിനിമയെ സംബന്ധിച്ചിടത്തോളം അതീവ സങ്കടകരമായ ഒരു വാരമാണിതെന്നും കുറിച്ചു.
മുത്തച്ഛനായ പൃഥ്വിരാജ് കപൂറിന്റെ പേരുമായി സാമ്യമുള്ളതുകൊണ്ട് ഒരിക്കലും തന്നെ പേര് പറഞ്ഞ് വിളിക്കാന് ഋഷി കപൂര് തയ്യാറായിട്ടില്ലെന്ന് പൃഥ്വി ഓര്ക്കുന്നു.
ഇര്ഫാന്റെ വേര്പാട് നല്കിയ ഞെട്ടല് മാറും മുമ്പേയാണ് ഋഷി കപൂറിന്റെ വിരഹവാര്ത്ത ഇന്ത്യന് സിനിമയെ അഗാധമായ ദുഖത്തില് ആഴ്ത്തിയിരിക്കുന്നത്. മുംബൈയിലെ എച്ച്.എന്. റിലയന്സ് ആശുപത്രിയില് വച്ച് ഇന്ന് രാവിലെയാണ് ഋഷി കപൂര് അന്തരിച്ചത്. 67 വയസായിരുന്നു. അര്ബുദബാധിതനായിരുന്ന അദ്ദേഹം ഏറെക്കാലമായി ചികിത്സയിലായിരുന്നു.
