ന്യൂദല്ഹി: എംപ്ലോയ്മെന്റ് പ്രോവിഡന്റ് ഫണ്ടിന്റെ വേഗത്തിലുള്ള വിതരണത്തിന്റെ ഭാഗമായി, തൊഴില് മന്ത്രാലയത്തിന് കീഴിലുള്ള എംപ്ലോയ്മെന്റ് പ്രോവിഡന്റ് ഫണ്ട് ഓര്ഗനൈസേഷന് (ഇപിഎഫ്ഒ) ലോക്ഡൗണ് കാലത്ത് തീര്പ്പ് കല്പിച്ചത് 12.91 ലക്ഷം ക്ലെയിമുകള്ക്ക്.
പ്രധാന്മന്ത്രി ഗരീബ് കല്യാണ് യോജന പാക്കേജിന്റെ ഭാഗമായ 7.40 ലക്ഷം കൊറോണ ക്ലെയിമുകളും ഇതില് ഉള്പ്പെടും. കൊറോണ കേസുകള്ക്കായി നല്കിയ 2367.65 കോടി ഉള്പ്പെടെ ആകെ 4684.52 കോടി രൂപയാണ് ഇപിഎഫ്ഒ ഇതിന്റെ ഭാഗമായി ഇക്കാലയളവില് വിതരണം ചെയ്തത്.
ഇത്തരം ട്രസ്റ്റുകള്, 79,743 പിഎഫ് അംഗങ്ങള്ക്കായി 875.52 കോടി രൂപയാണ് ഏപ്രില് 27 വരെ വിതരണം ചെയ്തത്. 54,641 ഗുണഭോക്താക്കള്ക്കായി 338.23 കോടി രൂപയാണ് 222 സ്വകാര്യ സ്ഥാപനങ്ങള് വിതരണം ചെയ്തത്. പൊതുമേഖലയില് പ്രവര്ത്തിക്കുന്ന 76 സ്ഥാപനങ്ങള് 24,178 ഗുണഭോക്താക്കള്ക്കായി 524.75 കോടി രൂപയും നല്കി. സഹകരണമേഖലയിലെ 23 സ്ഥാപനങ്ങള് 924 ക്ലെയിമുകള്ക്കായി 12.54 കോടി രൂപ വിതരണം ചെയ്തു.
മഹാമാരിയെ ചെറുക്കാനായുള്ള പിഎംജികെവൈ പദ്ധതിയുടെ ഭാഗമായാണ് ഇപിഎഫില് നിന്നും തുക പിന്വലിക്കാനുള്ള പ്രത്യേക സൗകര്യം ഏര്പ്പെടുത്തിയത്. ഇതിനായി കേന്ദ്ര സര്ക്കാര് അടിയന്തര വിജ്ഞാപനം ഇറക്കിയിരുന്നു.
മൂന്നുമാസത്തെ അടിസ്ഥാനശമ്പളവും ക്ഷാമബത്തയും ചേര്ന്ന തുക, ഇപിഎഫ് അക്കൗണ്ടില് മിച്ചമുള്ള തുകയുടെ 75 ശതമാനം എന്നിവയില് ഏതാണോ ചെറുത് അത് പിന്വലിക്കാനുള്ള സൗകര്യമാണ് ഈ മാറ്റത്തിലൂടെ ഏര്പ്പെടുത്തിയത്. ഈ തുക പിന്നീട് നല്കേണ്ടതില്ല.
ജന്മഭൂമി ഓണ്ലൈന്