ന്യൂദല്‍ഹി: കൊറോണ വൈറസ് വ്യാപനവുമായി ബന്ധപ്പെട്ട വെല്ലുവിളികളെ ഇരു രാജ്യങ്ങളും ഒത്തൊരുമിച്ച് മറികടക്കുമെന്ന് ഇന്തോനേഷ്യന്‍ പ്രധാനമന്ത്രി ജോക്കോ വിദോദോയുമായി നടത്തിയ ചര്‍ച്ചയില്‍ പ്രധാനമന്ത്രി നരേന്ദ്ര മോദി. ഇരുവരും ഫോണിലൂടെ നടത്തിയ ചര്‍ച്ചയെ കുറിച്ച് മോദിജി ട്വിറ്ററില്‍ കുറിക്കുകയായിരുന്നു.
കൊറോണയുടെ പശ്ചാത്തലത്തില്‍ ഇന്ത്യ നല്‍കുന്ന സഹായങ്ങളെ അദ്ദേഹം അഭിനന്ദിച്ചതായി ചര്‍ച്ചയ്‌ക്ക് ശേഷം മോദി അറിയിച്ചു. അടുത്ത സുഹൃത്തുക്കളും നയതന്ത്ര പങ്കാളികളുമായ ഇന്ത്യയും ഇന്തോനേഷ്യയും പരസ്പര സഹകരണത്തിലൂടെ കൊറോണ വൈറസ് വ്യാപനം സൃഷ്ടിച്ച ആരോഗ്യ, സാമ്പത്തിക വെല്ലവിളി മറികടക്കുമെന്ന് പ്രധാനമന്ത്രി ട്വിറ്ററില്‍ കുറിച്ചു.
ഇന്ത്യ മറ്റു രാജ്യങ്ങള്‍ക്കു നല്‍കുന്ന സഹായങ്ങളെ ഇന്തോനേഷ്യ അഭിനന്ദിച്ചതായും പ്രധാനമന്ത്രിയുടെ ഓഫീസ് വൃത്തങ്ങള്‍ വ്യക്തമാക്കി. ഇന്തോനേഷ്യക്ക് ആവശ്യമായ മരുന്നുകളും വൈദ്യസഹായവും നല്‍കാമെന്ന് ഇന്ത്യ ഉറപ്പു നല്‍കിയിതായി ഓഫീസ് വൃത്തങ്ങള്‍ പറയുന്നു.
പ്രതികരിക്കാൻ ഇവിടെ എഴുതുക: