കാസര്‍കോട്: സംസ്ഥാനം കടുത്ത സാമ്പത്തിക പ്രതിസന്ധി നേരിടുമ്പോളും ധൂര്‍ത്തും ആടംബരവും തുടരുന്ന മുഖ്യമന്ത്രിക്കും മറ്റു മന്ത്രിമാര്‍ക്കും തൂവാലകളും തോര്‍ത്തും അയച്ച് കൊണ്ട് യുവമോര്‍ച്ച കാസര്‍കോട് ജില്ലാ കമ്മറ്റി പ്രതിഷേധിച്ചു. കോവിഡ് ദുരന്തത്തിന്റെ പശ്ചാത്തലത്തില്‍ സര്‍ക്കാര്‍ ആരോഗ്യ പ്രവര്‍ത്തകരുടെയടക്കം ശബളം പിടിച്ച് വാങ്ങുമ്പോഴും സര്‍ക്കാര്‍ ഖജനാവില്‍ നിന്ന് വന്‍ തുകതൂവാലയ്‌ക്കും തോര്‍ത്തിനും വേണ്ടി ചെലവവാക്കുന്നത് അംഗീകരിക്കാന്‍ സാധ്യമല്ല. അവര്‍ക്ക് തൂവാലയും തോര്‍ത്തും ആവശ്യമനുസരിച്ചു അയച്ചു കൊടുക്കാന്‍ തയ്യാറാണെന്ന് പരിപാടി ഉദ്ഘാടനം ചെയ്തു കൊണ്ട് ബിജെപി ജില്ലാ പ്രസിഡന്റ് അഡ്വ.കെ.ശ്രികാന്ത് പറഞ്ഞു.
സര്‍ക്കാര്‍ നടപടിയില്‍ ശക്തമായ പ്രതിഷേധം രേഖപ്പെടുത്തിക്കൊണ്ട് യുവമോര്‍ച്ച ജില്ലാ കമ്മറ്റിയുടെ നേതൃത്വത്തില്‍ മന്ത്രിമാര്‍ക്ക് തൂവാലകളും തോര്‍ത്തും അയച്ച് കൊടുത്തു. യുവമോര്‍ച്ച ജില്ലാ അധ്യക്ഷന്‍ ധനജ്ഞയന്‍ മധൂര്‍, വൈസ് പ്രസിഡന്റ് അജ്ജു ജോസ് ടി, ജില്ലാ ട്രഷറര്‍ എന്‍. ജിതേഷ് തുടങ്ങിയവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: