കണ്ണൂർ: ആറളം ഫാമിൽ വീണ്ടും കാട്ടാന അക്രമണം. സർക്കാർ അധീനതയിലുള്ള ആറളം ഫാമിംങ്ങ് കോർപ്പറേഷന്റെ നാലാം ബ്ളോക്കിലെ കശുവണ്ടി തോട്ടത്തിൽ കശുവണ്ടി പൊറുക്കാൻ പോയ കർഷകനെയാണ് ആന ചവിട്ടി കൊന്നത്. ആറളം പന്നിമൂല സ്വദേശി നാരായണനെ (65)നെയാണ് കാട്ടാന ചവുട്ടിയും കുത്തിയും കൊലപ്പെടുത്തിയത്.പുലർച്ചെ ഫാം മേഖലയിൽ കശുവണ്ടി ശേഖരിക്കുന്നതിനിടെ നാരായണൻ കാട്ടാനയുടെ മുൻപിൽ പെട്ടു പോവുകയായിരുന്നു.
കൊട്ടിയൂരിൽ കാട്ടാനയുടെ അടിയേറ്റ കർഷകൻ മരിച്ചു . ‘ഒരു മാസം മുമ്പ് ജില്ലയിലെ പന്നിയാം മലയിൽ കാട്ടാനയുടെ ആക്രമണത്തിൽ ഗുരുതരമായി പരുക്കേറ്റ് ചികിത്സയിലായിരുന്ന കർഷകൻ. മരിച്ചിരുന്നു .ആറളം ഫാമിൽ കാട്ടാനയുടെ അക്രമം കാരണം കഴിഞ്ഞ ഒരു വർഷത്തിനിടയിൽ കൊല്ലപെടുന്ന ആറാമത്തെ തൊഴിലാളിയാണ് ഇന്നലെ കൊല്ലപെട്ട നാരായണൻ.
