കാസര്‍കോട്: കാസര്‍കോട് ജില്ലയില്‍ ഇന്നലെ പുതുതായി പോസറ്റീവ് കേസുകളോന്നും റിപ്പോര്‍ട്ട് ചെയ്യാത്തതിനാല്‍ ആശ്വാസത്തിന്റെ ദിനമാണ് കടന്നുപോയത്. നിലവില്‍ കോവിഡ് ബാധിച്ച് 16 പേരാണ് ചികിത്സയിലാണ്. ഇന്നലെ വരെ 2375 പേരാണ് നിരീക്ഷണത്തിലുള്ളത്. വീടുകളില്‍ 2339 പേരും ആശുപത്രികളില്‍ 36 പേരരും നിരീക്ഷണത്തിലുണ്ട്.
തുടര്‍ സാമ്പിള്‍ ഉള്‍പ്പെടെ ആകെ 3643 സാമ്പിളുകളാണ് പരിശോധനയ്‌ക്കയച്ചത്.2969 സാമ്പിളുകളുടെ പരിശോധന ഫലം നെഗറ്റീവാണ്. നിലവില്‍358 സാമ്പിളുകളുടെ പരിശോധന ഫലം ലഭിക്കാനുണ്ട്. ഇന്നലെ പുതിയതായി 3 പേരെ ഐസൊലേഷന്‍ വാര്‍ഡില്‍ പ്രവേശിപ്പിച്ചു.
ജില്ലയില്‍ ഇതുവരെ രോഗബാധ സ്ഥിരീകരിച്ച 159 പേരാണ് രോഗവിമുക്തരായിരിക്കുന്നത്. നിരീക്ഷണത്തിലുള്ള 281 പേര്‍ നിരീക്ഷണകാലയളവ് പൂര്‍ത്തീകരിച്ചു.കാസര്‍കോട്, പരിയാരം മെഡിക്കല്‍ കോളേജുകളില്‍ നിന്ന് ഓരോ ആളുകളെ വീതം രോഗം ഭേദമായി ഡിസ്ചാര്‍ജ്ജ് ചെയ്തു. ജില്ലയിലെ കൊറോണ രോഗ ബാധിതരുടെ റിക്കവറി റേറ്റ് 90.8 % ആണ്.
പ്രതികരിക്കാൻ ഇവിടെ എഴുതുക: