തിരുവനന്തപുരം: ലോക്ഡൗണ്‍ ലംഘിച്ചതിന് അറസ്റ്റിലായ സിപിഎം നേതാവിനെ സിപിഎം പ്രവര്‍ത്തകര്‍ ബലം പ്രയോഗിച്ച് മോചിപ്പിച്ചു. ഡിവൈഎഫ്ഐ ചാല ഏരിയാ കമ്മിറ്റി അംഗത്തെയാണ് സിപിഎം അംഗങ്ങള്‍ സംഘടിച്ചെത്തി മോചിപ്പിച്ചത്. നേതാവിനെ പിടികൂടിയ സിഐയെ സിപിഎം പ്രവര്‍ത്തകര്‍ ചേര്‍ന്ന് അധിക്ഷേപിക്കുകയും ചെയ്തു.
ഈ മാസം 23ന് ഫോര്‍ട് സ്‌റ്റേഷനിലാണ് സംഭവം നടക്കുന്നത്. ഡിവൈഎഫ്ഐ നേതാവിനെ അറസ്റ്റ് ചെയ്ത് സ്റ്റേഷനില്‍ എത്തിച്ചെങ്കിലും ഇരുപതോളം വരുന്ന സിപിഎം പ്രവര്‍ത്തകര്‍ ഉടന്‍തന്നെ സംഘടിച്ചെത്തി ബലം പ്രയോഗിച്ച് ഇറക്കി കൊണ്ടുപോവുകയായിരുന്നു.
അറസറ്റ് ചെയ്തതില്‍ സിപിഎം പ്രവര്‍ത്തകര്‍ പോലീസുകാരെ അസഭ്യം പറയുകയും ഭീഷണിപ്പെടുത്തുകയും ചെയ്തു. തുടര്‍ന്ന് അസി. കമ്മീഷണര്‍ പ്രതാപന്‍ നായര്‍ സ്ഥലതെത്തിയാണ് സ്ഥിതിഗതികള്‍ നിയന്ത്രണവിധേയമാക്കിയത്. അതേസമയം സ്റ്റേഷനില്‍ സംഘടിച്ചെത്തിയതിനും ലോക്ഡൗണ്‍ നിയന്ത്രണങ്ങള്‍ ലംഘിച്ചതിനും സിപിഎം പ്രവര്‍ത്തകര്‍ക്കെതിരെ പോലീസ് ഇതുവരെ കേസ് എടുത്തിട്ടില്ല.
പ്രതികരിക്കാൻ ഇവിടെ എഴുതുക: