പയ്യോളി: കിഴൂരില്‍ പാഴ്‌വസ്തുക്കള്‍ കത്തിക്കുന്നതിനിടയില്‍ സ്‌ഫോടനം, അച്ഛനും മകനും പരിക്ക്. കിഴൂര്‍ – പള്ളിക്കര റോഡില്‍ പടിഞ്ഞാറെ കുന്നുംപുറത്ത് നാരായണന്റെ വീട്ടിലാണ് സ്‌ഫോടന മുണ്ടായത്. നാരായണന്‍ (60), മകന്‍ ബിജു(38) എന്നിവര്‍ക്ക് പരിക്കേറ്റു. ഇവരെ കോഴിക്കോട് ഗവ. മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ ഒന്‍പത് മണിയോടെയാണ് സംഭവം. മഴവെള്ള സംഭരണിയോട് ചേര്‍ന്ന ടാര്‍ ഡ്രമ്മില്‍ തീയിടുന്നതിനിടെയാണ് സ്‌ഫോടനം ഉണ്ടായത്.
വന്‍ശബ്ദത്തോടെയായിരുന്നു സ്‌ഫോടനം. സമീപത്തെ വസ്തുക്കളും ശുചിമുറിയുടെ വാതിലും സ്‌ഫോടനത്തില്‍ തകര്‍ന്നു. സ്‌ഫോടനത്തിന് കാരണമായ വസ്തു എന്താണെന്ന് കണ്ടെത്തിയിട്ടില്ല. പയ്യോളി എസ്‌ഐ പി.എം. സുനില്‍കുമാറിന്റെ നേതൃത്വത്തിലുള്ള പോലീസ് സംഘവും ബോംബ് സ്‌കാഡും ഡോഗ് സ്‌ക്വാഡും സ്ഥലത്തെത്തി. സ്‌ഫോടക വസ്തു അശ്രദ്ധമായി കൈകാര്യം ചെയ്തതിന് പയ്യോളി പോലീസ് കേസ് എടുത്തിട്ടുണ്ട്.
പ്രതികരിക്കാൻ ഇവിടെ എഴുതുക: