ന്യൂദല്‍ഹി: പാല്‍ഗഡിലേത് ഹിന്ദു വിരുദ്ധ മനോഭാവത്തില്‍നിന്നുണ്ടായ ആസൂത്രിത കൊലപാതകമാണെന്ന് വിഎച്ച്പി. കൊലപാതകികളെയും ഗൂഢാലോചനക്കാരെയും ഉടന്‍ കണ്ടെത്തണം. ശക്തവും സുതാര്യവുമായ അന്വേഷണം നടക്കണം. സെക്രട്ടറി ജനറല്‍ മിലിന്ദ് പരാന്ദെ വ്യക്തമാക്കി. കുട്ടികളെ തട്ടിക്കൊണ്ടുപോകുന്നവര്‍ പ്രദേശത്തുണ്ടെന്ന് ലോക്ഡൗണ്‍ സമയത്ത് വ്യാജ പ്രചാരണം നടന്നതെങ്ങനെയെന്ന് കണ്ടെത്തണം. ഈ സംഭവത്തിന് നാല് ദിവസം മുന്‍പ് ഡോക്ടര്‍ ഉള്‍പ്പെടെയുള്ള ആരോഗ്യ പ്രവര്ത്തകരെ ആക്രമിക്കുകയുണ്ടായി. എന്നിട്ടും പോലീസ് ജാഗ്രത കാട്ടിയില്ല. സംഭവ സമയത്ത് കുറച്ച് പോലീസുകാര്‍ മാത്രമാണ് എത്തിയത്. അവര്‍ കൊല്ലുന്നത് നോക്കിനിന്നു. എന്തുകൊണ്ടാണ് പോലീസ് അക്രമം തടയാതിരുന്നത്.
സമീപത്തെ ഗ്രാമങ്ങളില്‍നിന്നുള്ളവരും ആക്രമണത്തില്‍ പങ്കെടുത്തു. ആരാണ് ഇവരെ തെറ്റിദ്ധരിപ്പിച്ച് ഇവിടേക്ക് എത്തിച്ചത്. സര്‍പഞ്ചിനെ ഇപ്പോഴും ഭീഷണിപ്പെടുത്തുന്നത് ആരാണ്. ആസൂത്രിതമാണെന്ന് എഫ്‌ഐആറില്‍ പറയുമ്പോള്‍ തെറ്റിദ്ധാരണയാണ് കാരണമെന്ന് പറഞ്ഞ് കേസ് ദുര്‍ബ്ബലപ്പെടുത്താനാണ് മുഖ്യമന്ത്രി ശ്രമിക്കുന്നത്. അഞ്ച് പ്രതികള്‍ ഇടത് സംഘടനയിലുള്ളവരാണ്. ഇടത് സംഘടനകളും പ്രവര്‍ത്തകരും വനവാസികള്‍ ഹിന്ദുക്കളല്ലെന്ന പ്രചാരണം നടത്തുകയാണ്. ഇവരുണ്ടാക്കിയ ഹിന്ദു വിരുദ്ധ മനോഭാവമാണ് കൊലപാതകത്തിന് പിന്നില്‍ പ്രവര്‍ത്തിച്ചത്, അദ്ദേഹം വിശദീകരിച്ചു.
പ്രതികരിക്കാൻ ഇവിടെ എഴുതുക: