കോഴിക്കോട്: പ്രധാന്‍മന്ത്രി ഉജ്വല യോജന ഗുണഭോക്താക്കള്‍ക്ക് ഏപ്രില്‍ ഒന്നാം തിയ്യതി മുതല്‍ ജൂണ്‍ 30 വരെയുള്ള മൂന്നുമാസ കാലത്തേക്കുള്ള സൗജന്യ പാചക വാതക സിലിണ്ടറുകള്‍, പ്രധാന്‍മന്ത്രി ഗരീബ് കല്യാണ്‍ യോജന പദ്ധതിയുടെ കീഴില്‍ ലഭ്യമാക്കി തുടങ്ങിയതായി ഇന്ത്യന്‍ ഓയില്‍ കോര്‍പറേഷന്‍ അറിയിച്ചു. റീഫില്‍ സിലിണ്ടറിന്റെ ഏപ്രില്‍ മാസത്തെ വില ഉജ്വല ഗുണഭോക്താക്കളുടെ പി എം യു വൈ ബാങ്ക് അക്കൗണ്ടുകളിലേക്ക് ട്രാന്‍സ്ഫര്‍ ചെയ്തിട്ടുണ്ട്. ആദ്യത്തെ സൗജന്യ സിലിണ്ടര്‍ വാങ്ങാന്‍ മാത്രമേ ഈ തുക വിനിയോഗിക്കാന്‍ പാടുള്ളു.
റീഫില്‍ ബുക്കിങ് ഐ വി ആര്‍ എസ്, രജിസ്റ്റേര്‍ഡ് മൊബൈല്‍ ഫോണ്‍ എന്നിവ വഴിയാണ് നടത്തേണ്ടത്.ഈ പദ്ധതിയില്‍ ഇതുവരെ പങ്കാളികളല്ലാത്തവര്‍ക്കും കാലിയായ സിലിണ്ടറുകള്‍ ഉള്ളവര്‍ക്കും സ്‌കീമില്‍ ചേരാന്‍ അവസരമുണ്ട്.ആദ്യ സിലിണ്ടറിന്റെ പണം അതിനുവേണ്ടി ഉപയോഗിക്കാത്തവര്‍ക്ക് രണ്ടാമത്തെ സൗജന്യ സിലിണ്ടറിനുള്ള പണം, ബാങ്ക് അക്കൗണ്ടിലേക്ക് ട്രാന്‍സ്ഫര്‍ ചെയ്യുന്നതല്ല.കൂടുതല്‍ വിവരങ്ങള്‍ ഇന്ത്യന്‍ ഓയില്‍ കോര്‍പ്പറേഷന്റെ കൊച്ചി പനമ്പള്ളി ഓഫീസില്‍ ബന്ധപ്പെടാം. ഫോണ്‍: 9449596928
പ്രതികരിക്കാൻ ഇവിടെ എഴുതുക: