ന്യൂദല്ഹി: ഈ മാസം 24ന് തുടങ്ങുന്ന റംസാന് മാസത്തില് ലോക്ഡൗണ്, സാമൂഹിക അകലം പാലിക്കല് മാനദണ്ഡങ്ങള് കര്ശനമായി നടപ്പാക്കുന്നുവെന്ന് ഉറപ്പുവരുത്താന് സംസ്ഥാന വഖഫ് ബോര്ഡുകളിലെ മുതിര്ന്ന ഉദ്യോഗസ്ഥരമായി നടത്തിയ വീഡിയോ കോണ്ഫറന്സില് കേന്ദ്ര ന്യൂനപക്ഷകാര്യ മന്ത്രിയും കേന്ദ്ര വഖഫ് കൗണ്സില് ചെയര്മാനുമായ മുഖ്താര് അബ്ബാസ് നഖ്വിയുടെ നിര്ദേശം.
കൊറോണ വ്യാപനത്തിന്റെ പശ്ചാത്തലത്തില് റംസാന് വ്രതകാലത്തെ പ്രാര്ത്ഥനകളും മറ്റ് അനുഷ്ഠാനങ്ങളും അവരവരുടെ വീടുകളില്ത്തന്നെ നിര്വഹിക്കണമെന്ന് ജനങ്ങളില് അവബോധം സൃഷ്ടിക്കണം, വഖഫ് ബോര്ഡ് ഉദ്യോഗസ്ഥരോട് മന്ത്രി നിര്ദേശിച്ചു.
ഉത്തര്പ്രദേശ് (ഷിയാ, സുന്നി), ആന്ധ്രപ്രദേശ്, ബിഹാര് ( ഷിയാ, സുന്നി), ദാദ്രനഗര് ഹവേലി, ഹരിയാന, കര്ണാടക, കേരളം, മധ്യപ്രദേശ്, പഞ്ചാബ്, ബംഗാള്, ആന്ഡമാന് നിക്കോബാര്, അസം, മണിപ്പൂര്, രാജസ്ഥാന്, തെലങ്കാന, ദല്ഹി, ഛത്തീസ്ഗഡ്, ഗുജറാത്ത്, ഹിമാചല് പ്രദേശ്. ജമ്മുകശ്മീര്, ഝാര്ഖണ്ഡ്, മഹാരാഷ്ട്ര, ഒഡീഷ, പുതുച്ചേരി, തമിഴ്നാട്, ത്രിപുര, ഉത്തരാഖണ്ഡ് എന്നിവിടങ്ങളിലെ മുതിര്ന്ന വഖഫ് ബോര്ഡ് ഉദ്യോഗസ്ഥര് വീഡിയോ കോണ്ഫറന്സില് പങ്കെടുത്തു.
