കാസര്കോട്: കാസര്കോട് ജില്ലയില് നാലുപേര്ക്ക് കൂടി കൊറോണ ബാധ സ്ഥിരീകരിച്ചതോടെ ആകെ രോഗബാധിതരുടെ എണ്ണം 152 ആയി. ഇതില് ഒരാള്ക്ക് കൂടി രോഗം ഭേദമായി. 48 വയസ്സുള്ള പള്ളിക്കര സ്വദേശി, 31 വയസ്സുള്ള മൊഗ്രാല് സ്വദേശി, 67 വയസ്സുള്ള ഉദുമ സ്വദേശിയായ സ്ത്രീ, 10 വയസ്സുള്ള മധൂര് സ്വദേശിയായ ആണ്കുട്ടി എന്നിവര്ക്കാണ് പുതുതായി രോഗം സ്ഥിരീകരിച്ചത്.
രണ്ടുപേര് ദുബായില് നിന്ന് വന്നവരും രണ്ടുപേര്ക്ക് സമ്പര്ക്കത്തിലൂടെയുമാണ് രോഗം ബാധിച്ചത്. ജില്ലയില് 11087 പേരാണ് നീരീക്ഷണത്തിലുള്ളത്. ഇതില് വീടുകളില് 10856 പേരും ആശുപത്രികളില് 231 പേരുമാണ് നീരിക്ഷണത്തില് കഴിയുന്നത്.
14 പേരെ ആശുപത്രിയില് പുതിയതായി അഡ്മിറ്റ് ചെയ്തു. ഇന്നലെ ഉച്ചവരെ32 സാമ്പിളുകളാണ് പരിശോധനക്കയച്ചത്.അകെ 1777 സാമ്പിളുകള് അയച്ചതില് 1000 സാമ്പിളുകളുടെ പരിശോധന ഫലം നെഗറ്റീവാണ്.ആവര്ത്തനം ഉള്പ്പെടെ 624 സാമ്പിളുകളുടെ ഫലം ലഭിക്കാനുണ്ട്. രോഗം സ്ഥിരീകരിച്ച 6പേരെ കാസര്കോട് മെഡിക്കല് കോളേജില് പ്രവേശിപ്പിച്ചു.
