കൊല്ലം: ധാന്യം പൊടിപ്പിക്കുന്ന മില്ലില് നിന്ന് റേഷന് സാധനങ്ങള് പിടിച്ചെടുത്തു. മില്ലുടമ അറസ്റ്റില്. പള്ളിത്തോട്ടം തോപ്പ് പള്ളിക്ക് സമീപം പ്രവര്ത്തിക്കുന്ന ഫഌവര് മില്ലില് നിന്നുമാണ് പൊതു വിതരണത്തിനുള്ള റേഷന് സാധനങ്ങള് പിടിച്ചെടുത്തത്. 115 കിലോ വെള്ള അരി, 233 കിലോ റോസ് അരി, 68 കിലോ ഗോതമ്പ് എന്നിവയാണ് പോലീസ് പിടിച്ചെടുത്തത്.
മില് ഉടമ ഇസ്മയില് മുഹമ്മദ് ഫറൂക്കിനെതിരെ കേസ് രജിസ്റ്റര് ചെയ്തു. പള്ളിത്തോട്ടം ഇന്സ്പെക്ടര് ദേവരാജന്, എസ്ഐ ജിബി, ഷാജഹാന്, ബാലചന്ദ്രന്, സുരേഷ് ബാബു, ശ്രീകാന്ത് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
കൂടാതെ പള്ളിത്തോട്ടത്ത് എച്ച്&സി കോമ്പൗണ്ടില് സുഹൈബ് മന്സിലില് പൂക്കുഞ്ഞി(55)ന്റെ വസതിയില് സൂക്ഷിച്ചിരുന്ന പൊതു വിതരണത്തിനുള്ള എട്ടുചാക്ക് അരിയും പോലീസ് പിടിച്ചെടുത്തിട്ടുണ്ട്.
