കുന്നത്തൂര്‍: ലോക് ഡൗണ്‍ വിലക്ക് ലംഘിച്ച് പള്ളിയില്‍ ജുമ നമസ്‌കാരം നടത്തിയതിന് 9 പേരെ ശൂരനാട് പോലീസ് അറസ്റ്റ് ചെയ്തു. ശൂരനാട് ജുമാ മസ്ജിദിലാണ് വെള്ളിയാഴ്ച ജുമ നമസ്‌കാരം നടത്തിയത്.
സംശയത്തിന് ഇട നല്‍കാതെ പള്ളിയുടെ രണ്ട് ഗേറ്റുകളും വാതിലുകളും പൂട്ടിയിട്ട് രഹസ്യമായി പള്ളിക്കകത്ത് കടന്നാണ് നമസ്‌കാരം നടത്തിയത്. അമ്പതോളം പേര്‍ നമസ്‌കാരത്തില്‍ പങ്കെടുത്തതായാണ് അറിയുന്നത്. ജമാഅത്ത് പ്രസിഡന്റിനെയും സെക്രട്ടറിയെയും ഉള്‍പ്പെടെയുള്ളവരെയാണ് അറസ്റ്റ് ചെയ്തത്.
കച്ചവടത്തിനായി ദൂരെ ജില്ലകളില്‍ പോയി മടങ്ങിയെത്തി നിരീക്ഷണത്തില്‍ കഴിയുന്നവര്‍ വരെ നിസ്‌കാരത്തില്‍ പങ്കെടുത്തതായാണ് അറിവ്. മംഗലാപുരത്ത് നിന്നും തിരിച്ച് വന്ന് നിരീക്ഷണത്തില്‍ കഴിയാതെ കറങ്ങി നടന്ന് പോലീസ് പിടികൂടി ആശുപത്രി ഐസൊലേഷന്‍ വാര്‍ഡിലേക്ക് മാറ്റിയ ആളുടെ വീടും ഈ പള്ളിക്ക് സമീപമാണ്. ഇനിയും ഇത്തരം
സംഭവങ്ങള്‍ ആവര്‍ത്തിച്ചാല്‍ റിമാന്‍ഡ് ചെയ്യുന്ന നടപടികളിലേക്ക് പോകുമെന്ന് ശൂരനാട് എസ് ഐ പി. ശ്രീജിത്ത് പറഞ്ഞു.
പ്രതികരിക്കാൻ ഇവിടെ എഴുതുക: