കൊയിലാണ്ടി: കൊയിലാണ്ടി നഗരത്തിലും പരിസര പ്രദേശത്തും ഡ്രോണ്‍ ക്യാമറ ഉപയോഗിച്ചുള്ള നിരീക്ഷണം പോലീസ് ശക്തമാക്കി. കൊയിലാണ്ടി ടൗണ്‍, കൊല്ലം, പാറപ്പള്ളി, ഹാര്‍ബര്‍, നെല്ല്യാടി തുടങ്ങിയ കേന്ദ്രങ്ങളിലെ നീക്കങ്ങള്‍ നിരീക്ഷിക്കാനാണ് ഡ്രോണ്‍ ക്യാമറ ഉപയോഗിക്കുന്നത്.
കൊയിലാണ്ടിയുടെ ക്രമസമാധാന ചുമതലയുള്ള ക്രൈംബ്രാഞ്ച് ഡിവൈഎസ്പി ആര്‍. ഹരിദാസിന്റെ നിര്‍ദേശ പ്രകാരമാണ് നിരീക്ഷണം ശക്തമാക്കിയത്. കഴിഞ്ഞ ദിവസം നടത്തിയ നിരീക്ഷണത്തെ തുടര്‍ന്ന് നെല്ല്യാ ടി ഭാഗങ്ങളില്‍ വ്യാജമദ്യ വാറ്റുകാര്‍ സ്വയം വാഷ് നശിപ്പിച്ചതായി സൂചനയുണ്ട്. എസ്‌ഐ പി.പി. ലളിത, എസ്‌സിപിഒ കെ.എം. രേഖ, സിപിഒ കെ.സി. ഷൈമി, ഹോം ഗാര്‍ഡുമായ രാജേഷ്, കെ.പി. രാജന്‍ പൂക്കാട് എന്നിവരാണ് നിരീക്ഷണത്തിന് നേതൃത്വം നല്‍കുന്നത്.
നാദാപുരത്തും പരി സര പ്രദേശങ്ങളിലും ഇന്നലെ പോലീസ് നിരീക്ഷണം നടത്തി.
പ്രതികരിക്കാൻ ഇവിടെ എഴുതുക: