കോഴിക്കോട്: കുപ്പിവെള്ളം വില കൂട്ടി വിറ്റ വലിയങ്ങാടിയിലെ രണ്ട് കടകള്‍ വിജിലന്‍സ് ആന്റ് ആന്റി കറപ്ഷന്‍ ബ്യൂറോ സ്‌പെഷ്യല്‍ സംഘം പൂട്ടിച്ചു. 13 രൂപയ്‌ക്ക് വില്‍ക്കേണ്ട കുപ്പിവെള്ളം 20 രൂപക്ക് വില്‍ക്കുന്നതായാണ് പരിശോധനയില്‍ കണ്ടത്.
ലീഗല്‍ മെട്രോളജി, നഗരസഭ ആരോഗ്യ വിഭാഗം എന്നിവരെ വിവരമറിയിച്ചു. വലിയങ്ങാടിക്കൊപ്പം ചെറൂട്ടിറോഡ്, മുക്കം, താമരശ്ശേരി ഭാഗങ്ങളില്‍ ഗോഡൗണ്‍, ഷോപുകള്‍ എന്നിവിടങ്ങളില്‍ പരിശോധന നടത്തി. വിജിലന്‍സ് എസ്പി ശശിധരന്റെ നിര്‍ദ്ദേശ പ്രകാരം സിഐ എന്‍. ഗണേഷ് കുമാര്‍, എസ്‌ഐ പി. മുരളീധരന്‍, ബിജോയ്, ഷാജി, അമൃത് സാഗര്‍, സിപിഒ രജീഷ് എന്നിവരടങ്ങുന്ന സംഘമാണ് പരിശോധന നടത്തിയത്.
പ്രതികരിക്കാൻ ഇവിടെ എഴുതുക: