ന്യൂദല്ഹി: കൊറോണ വ്യാപനം തടയുന്നതിനായി സമ്പൂര്ണ ലോക്ക് ഡൗണ് പ്രഖ്യാപിച്ച ഈ കാലയളവില് ജനങ്ങളോട് യോഗ പരിശീലിക്കാന് ആവശ്യപ്പെട്ട് പ്രധാനമന്ത്രി നരേന്ദ്ര മോദി. ജനങ്ങളില് യോഗയെ പ്രോത്സാഹിപ്പിക്കുക എന്ന രീതിയില് തന്റെ തന്നെ ആരോഗ്യ ദിനചര്യകളും അദ്ദേഹം സമൂഹമാധ്യമങ്ങളിലൂടെ പങ്കുവെച്ചു.
വിവിധ ഭാഷകളില് തന്റെ യോഗ വീഡിയോകള് ലഭ്യമാണെന്നും നിങ്ങളും പതിവായി യോഗ പരിശീലിക്കാന് തുടങ്ങുമെന്ന് പ്രതീക്ഷിക്കുന്നുവെന്നും അദ്ദേഹം ട്വിറ്ററിലൂടെ വ്യക്തമാക്കി. ഇന്നലത്തെ മന്കിബാത്ത് സമയത്ത് തന്റെ ആരോഗ്യദിനചര്യയെ കുറിച്ച് ചോദ്യങ്ങളുയര്ന്നിരുന്നു. അതിനാലാണ് ഈ യോഗ വീഡിയോകള് പങ്കുവെക്കാന് ആലോചിച്ചത്.
താനൊരു ഫിറ്റ്നസ് വിദഗ്ദ്ധനോ ആരോഗ്യ വിദഗ്ധനോ അല്ല. വര്ഷങ്ങളായി യോഗ പരിശീലിക്കുന്നത് തന്റെ ജീവിതത്തിന്റെ അവിഭാജ്യ ഘടകമാണ്. അത് പ്രയോജനകരമാണെന്ന് കണ്ടെത്തിയതിനാലാണ് നിങ്ങളുമായി അത് പങ്കുവയ്ക്കുന്നതെന്ന് പ്രധാനമന്ത്രി പറഞ്ഞു. നിങ്ങളില് പലര്ക്കും ആരോഗ്യത്തോടെ തുടരാനുള്ള മറ്റ് വഴികളുണ്ടെന്ന് ഉറപ്പുണ്ടെന്നും അവ മറ്റുള്ളവരുമായി പങ്കിടണമെന്നും അനിമേഷന് യോഗ വീഡിയോ പങ്കുവെച്ചുക്കൊണ്ട് മോദി ട്വീറ്റ് ചെയ്തു.
