തിരുവനന്തപുരം : ലോക്ഡൗണ്‍ ലംഘിച്ച് അനാവശ്യമായി പുറത്തിറങ്ങുന്നവരോട് അവര്‍ക്ക് ലാത്തി കൊണ്ട് മറുപടി പറയേണ്ടി വരും. പോലീസിന് പറ്റിയില്ലെങ്കില്‍ പിന്നെ വരുന്നത് പട്ടാളമാണ്. അവര്‍ക്ക് മലയാളി എന്നില്ല തമിഴനെന്നില്ലെന്ന് നടനും എംപിയുമായ സുരേഷ് ഗോപി. സ്വകാര്യ മാധ്യമത്തോട് സംസാരിക്കവേയാണ് അദ്ദേഹം ഇക്കാര്യം വ്യക്തമാക്കിയത്.
കഴിഞ്ഞ വ്യാഴാഴ്ച താന്‍ ദല്‍ഹിയില്‍ നിന്നും എത്തിയത്. പ്രധാനമന്ത്രി ജനതാ കര്‍ഫ്യൂ പ്രഖ്യാപിച്ചപ്പോള്‍ ശനിയാഴ്ച തന്നെ വീട്ടിലേക്ക് ആവശ്യമുള്ള സാധനങ്ങളെല്ലാം വാങ്ങി വീട്ടിലിരിക്കുകയാണ്. പിന്നെ ഇതുവരെ വീടിന്റെ ഗേറ്റില്‍ തൊട്ടിട്ടുപോലുമില്ല.
ഷൂട്ടിങ്ങിന്റെ തിരക്കുകളും, ആഴ്ചയില്‍ രണ്ടു തവണവീതം ദല്‍ഹിയിലും പോയിരുന്ന തന്നെക്കോണ്ട് ഇത് സാധിക്കുന്നു. നിങ്ങള്‍ക്കും ഇത് സാധിക്കുമെന്നും എംപി പറഞ്ഞു.
നമുക്ക് സുരക്ഷിതത്വം നല്‍കുന്ന പോലീസുകാരെക്കൂടി നിങ്ങള്‍ മനസ്സിലാക്കേണ്ടതാണ്. അവരുടെ ജോലി അവര്‍ കൃത്യമായി നിര്‍വഹിക്കുന്നുണ്ട്. പോലീസിന് മുന്നില്‍ കടമ മാത്രമാണ് ഉള്ളത്. പോലീസിന്റെ പ്രവര്‍ത്തികളെ അഭിനന്ദിക്കുന്നെന്നും അവയെ പിന്തുണയ്‌ക്കുകയും ചെയ്യുന്നതായും സുരേഷ്‌ഗോപി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: