തിരുവനന്തപുരം:നിരോധനം ലംഘിച്ചു യാത്ര ചെയ്തതിന് സംസ്ഥാനത്തൊട്ടാകെ ഇന്ന് 1751 പേര്ക്കെതിരെ കേസെടുത്തു. ഇതോടെ ചൊവ്വ, ബുധന് ദിവസങ്ങളിലായി എടുത്ത കേസുകളുടെ എണ്ണം 3612 ആയി. ഏറ്റവും കൂടുതല് കേസ് രജിസ്റ്റര് ചെയ്തത് കോഴിക്കോട് സിറ്റിയിലാണ് – 338 കേസുകള്. ഇടുക്കിയില് 214 കേസുകളും കോട്ടയത്ത് 208 കേസുകളും രജിസ്റ്റര് ചെയ്തിട്ടുണ്ട്. 10 കേസുകള് മാത്രം രജിസ്റ്റര് ചെയ്ത കാസര്ഗോഡ് ആണ് പിന്നില്.
സംസ്ഥാനത്തു നിലവിലുള്ള നിരോധനം ലംഘിച്ചു യാത്ര ചെയ്യുന്നവര്ക്കെതിരെ സ്വീകരിക്കുന്ന നടപടികള് നാളെ മുതല് ശക്തിപ്പെടുത്തും. വ്യക്തമായ കാരണങ്ങള് കൂടാതെയും നിര്ദേശം ലംഘിച്ചും യാത്ര ചെയ്യുന്നവര്ക്കെതിരെ അറസ്റ്റ് ഉള്പ്പെടെയുള്ള നടപടികള് സ്വീകരിക്കാന് സംസ്ഥാന പോലീസ് മേധാവി ലോക്നാഥ് ബെഹ്റ ജില്ലാ പോലീസ് മേധാവിമാര്ക്ക് നിര്ദേശം നല്കി. ന്യായമായ ആവശ്യങ്ങള്ക്ക് മാത്രമേ പുറത്തിറങ്ങാന് അനുവദിക്കൂ.
സ്വകാര്യ വാഹനങ്ങളില് സഞ്ചരിക്കുന്നവര് സത്യവാങ്മൂലം ഹാജരാക്കിയാല് മാത്രമേ യാത്ര തുടരാന് അനുവദിക്കൂ. സത്യവാങ്മൂലം പരിശോധിച്ചശേഷം പോലീസ് ഇതു മടക്കി നല്കും. യാത്ര ചെയ്യുന്ന ആള് ഒഴികെ മറ്റാരും സത്യവാങ്മൂലം സാക്ഷ്യപ്പെടുത്തേണ്ടതില്ല.
കേസുകള് ജില്ല തിരിച്ചുള്ള കണക്ക്
തിരുവനന്തപുരം സിറ്റി – 66
തിരുവനന്തപുരം റൂറല് – 138
കൊല്ലം സിറ്റി – 170
കൊല്ലം റൂറല് – 106
പത്തനംതിട്ട – 43
കോട്ടയം – 208
ആലപ്പുഴ – 178
ഇടുക്കി – 214
എറണാകുളം സിറ്റി – 88
എറണാകുളം റൂറല് – 37
തൃശൂര് സിറ്റി – 20
തൃശൂര് റൂറല് -37
പാലക്കാട് – 19
മലപ്പുറം – 11
കോഴിക്കോട് സിറ്റി – 338
കോഴിക്കോട് റൂറല് – 13
വയനാട് – 35
കണ്ണൂര് – 20
കാസര്ഗോഡ് -10
