കോട്ടയം: കൊറോണ ബാധ മൂലം രാജ്യം കടുത്ത നിയന്ത്രണങ്ങളിലൂടെ കടന്ന് പോകുമ്പോള് പ്രധാനമന്ത്രി രാജ്യത്തെ അഭിസംബോധന ചെയ്യുന്നതിനെ പരിഹസിച്ച് വൈക്കം എംഎല്എ സി.കെ. ആശ. തന്റെ ഫേയ്സ് ബുക്കിലൂടെയാണ് അതിക്ഷേപത്തിന് തുല്യമായ പോസ്റ്റ് പങ്കുവെച്ചിരിക്കുന്നത്. എന്നാല് കമ്മ്യൂണിസ്റ്റ് ക്യൂബ അഭിമാനം എന്ന തരത്തിലുള്ള പോസ്റ്റും തന്റെ ഫേസ് ബുക്കില് പങ്കുവെച്ചിട്ടുണ്ട്.
![](https://janmabhumi.in/wp-content/uploads/archive/2020/03/24/90253448_516769132339286_231025878534979584_n.jpg)
സ്വന്തം രാജ്യത്തെ പൗരന്മാരെ സംരക്ഷിക്കാന് പ്രധാനമന്ത്രിയും കേന്ദ്ര സര്ക്കാരും സംസ്ഥാനവും നീങ്ങുമ്പോള് ഭരണ കക്ഷി മുന്നണിയിലെ എംഎല്എ തന്നെ തരംതാണ നിലപാടുമായി രംഗത്ത് വന്നിരിക്കുന്നത്. സ്വന്തം രാജ്യത്ത് സ്വീകരിക്കുന്ന നിലപാടുകളെ അംഗീകരിക്കാന് സിപിഐ നേതാവായ സി.കെ.ആശ തയ്യാറായിട്ടില്ല. വിദേശ രാജ്യങ്ങളിലുള്ള ഇന്ത്യക്കാരെ തിരികെ എത്തിച്ച ഒരു നടപടിയെയും അംഗീകരിക്കാന് എംഎല്എ തയാറായിട്ടില്ല.
എന്നാല് ക്യൂബയെ അഭിമാന പൂര്വമാണ് സിപിഐ നേതാവായ എംഎല്എ അവതരിപ്പിച്ചിരിക്കുന്നത്. പ്രധാനമന്ത്രി രാജ്യത്തെ അഭിസംബോധന ചെയ്യുന്ന എട്ട് മണി എന്ന് രേഖപ്പെടുത്തിയിട്ട് ഫിലീങ് ഇറിറ്റേറ്റഡ് എന്ന് എഴുതിയാണ് പോസ്റ്റ് പങ്കുവെച്ചിരിക്കുന്നത്. സി.കെ. ആശയ്ക്കെതിരെ സമൂഹ മാധ്യമങ്ങളില് വലിയ വിമര്ശനമാണ് ഉയരുന്നത്.
പ്രതികരിക്കാൻ ഇവിടെ എഴുതുക: