ന്യൂദല്‍ഹി : പരിമിതിക്കുള്ളില്‍ നിന്നുകൊണ്ടുതന്നെ ജനത കര്‍ഫ്യൂവിനെ പിന്തുണയ്‌ക്കുകയും, ആരോഗ്യ പ്രവര്‍ത്തകരെ അഭിനന്ദിക്കുകയും ചെയ്ത വയോധികയെ അഭിനന്ദിച്ച് പ്രധാനമന്ത്രി നരേന്ദ്രമോദി.
ഹൈദരാബാദിലെ തെരിവില്‍ ടെന്റുകെട്ടി താമസിക്കുന്ന വയോധികയുടെ വീഡിയോ ട്വിറ്ററിലൂടെ മോദി പങ്കുവെയ്‌ക്കുകയും ചെയ്തിട്ടുണ്ട്. ജനത കര്‍ഫ്യൂ ദിനത്തില്‍ ആരോഗ്യ മേഖലയില്‍ പ്രവര്‍ത്തിക്കുന്നവരോടുള്ള ആദര സൂചകമായി മണികള്‍ മുഴക്കണമെന്നും, പാത്രങ്ങള്‍ തട്ടണമെന്നും പ്രധാനമന്ത്രി ആഹ്വാനം ചെയ്തിരുന്നു.
വയോധിക ഇത് പാലിക്കുന്നതും വീഡിയോയില്‍ കാണാന്‍ സാധിക്കും.പതിനൊന്ന് സെക്കന്‍ഡുള്ള വീഡിയോയില്‍ തകര്‍ന്ന് വീഴുമെന്ന് തോന്നുന്ന കൂരയുടെ മുന്നിലിരുന്ന് പ്ലേറ്റുകള്‍ തട്ടുന്നത് കൃത്യമായി കാണാം.
ഈ അമ്മയുടെ പ്രവര്‍ത്തിയെ നമുക്ക് ആദരിക്കാം. വീടുകളില്‍ സുരക്ഷിതരായി ഇരിക്കാം. അതാണ് അവര്‍ നമ്മുക്ക് നല്‍കുന്ന സന്ദേശം. എന്ന കുറിപ്പോടെയാണ് പ്രധാനമന്ത്രി ഈ വീഡിയോ പങ്ക് വച്ചിട്ടുള്ളത്. മാധ്യമ പ്രവര്‍ത്തകനായ അഖിലേഷ് ശര്‍മ്മ ട്വീറ്റ് ചെയ്ത ദൃശ്യങ്ങളാണ് പ്രധാനമന്ത്രി റീ ട്വീറ്റ് ചെയ്തിരിക്കുന്നത്.
പ്രതികരിക്കാൻ ഇവിടെ എഴുതുക: