തിരുവനന്തപുരം: ഇന്നലെ സംസ്ഥാനത്ത് 15 പേര്ക്ക് കൂടി കൊറോണ സ്ഥിരീകരിച്ചതായി ആരോഗ്യ വകുപ്പ് അറിയിച്ചു.നിലവില് 64 പേരാണ് രോഗം സ്ഥിരീകരിച്ച് വിവിധ ആശുപത്രികളില് ചികിത്സയിലുള്ളത്.
ഇന്നലെ രോഗം സ്ഥിരീകരിച്ചവരില് കാസര്കോട് അഞ്ച് പേര്, കണ്ണൂരില് നാല് പേര്, രണ്ട് പേര്വീതം എറണകുളം, മലപ്പുറം, കോഴിക്കോട് ജില്ലക്കാരുമാണ്. വിവിധ ജില്ലകളിലായി നിരീക്ഷണത്തിലുള്ളവരുടെ എണ്ണം 59,295 ആയി. ഇവരില് 58,981 പേര് വീടുകളിലും 314 പേര് ആശുപത്രികളിലും നിരീക്ഷണത്തിലാണ്. അതേസമയം 9776 പേരെ ഇന്ന് നിരീക്ഷണത്തില് നിന്ന് ഒഴിവാക്കി. രോഗലക്ഷണങ്ങള് ഉള്ള 4035 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് 2744 സാമ്പിളുകളുടെ പരിശോധനാ ഫലം നെഗറ്റിവ് ആണ്.
കോഴിക്കോട് ജില്ലയിലും ഇന്നലെ രോഗം സ്ഥിരീകരിച്ചതോടെ 10 ജില്ലകളിലും വൈറസ് സാന്നിധ്യമുണ്ട്. അതീവ ഗൗരവത്തിലാണ് സ്ഥിതിയെന്നും ജില്ലകള് അടച്ചിടേണ്ട സാഹചര്യത്തിലേക്കാന് പോകുന്നതെന്നുമാണ് ആരോഗ്യവിഭാഗത്തിന്റെ വിലയിരുത്തല്.
