കണ്ണൂര്‍: കൊറോണ (കൊവിഡ് 19) വ്യാപിക്കുന്ന പശ്ചാത്തലത്തില്‍ രോഗ ബാധ തടയാനായി പ്രധാനമന്ത്രി നരേന്ദ്ര മോദി പ്രഖ്യാപിച്ച ജനത കര്‍ഫ്യുവിന് പിന്തുണ പ്രഖ്യാപിച്ച് വ്യാപാരി വ്യവസായി ഏകോപന സമിതി.
വൈറസ് ബാധ തടയുന്നതിന് ഞായറാഴ്ച(മാര്‍ച്ച് 22) പ്രഖ്യാപിച്ച ജനതാ കര്‍ഫ്യു ദിനത്തില്‍ മുഴുവന്‍ കടകളും അടച്ചിടുമെന്ന് സംസ്ഥാന ജനറല്‍ സെക്രട്ടറി സി.എച്ച്. ആലിക്കുട്ടി ഹാജി അറിയിച്ചു. കണ്ണൂരില്‍ ചേര്‍ന്ന സംസ്ഥാന കമ്മിറ്റി യോഗത്തിലാണ് തീരുമാനം.
സംസ്ഥാന പ്രസിഡന്റ് ജോബി വി ചുങ്കത്താണ് യോഗത്തിന് അദ്ധ്യക്ഷത വഹിച്ചത്. ടി എഫ് സെബാസ്റ്റ്യന്‍, കമലാലയം സുകു, കെ എസ് രാധാകൃഷ്ണന്‍, എം നസീര്‍, പ്രസാദ് ജോണ്‍ മാമ്പ, നജിമുദ്ദീന്‍ ആലംമൂട്, നിജാം ബഷീ, മനോജ്, സുനില്‍ കുമാര്‍, വി എ ജോസ് പി എം എം ഹബീബ്, പി കെ ഹെന്‍ട്രി എന്നിവര്‍ യോഗത്തില്‍ പങ്കെടുത്തു.
പ്രധാനമന്ത്രി ആഹ്വാനം ചെയ്ത ജനത കര്‍ഫ്യൂവിന് പിന്തുണ പ്രഖ്യാപിച്ച് ഞായറാഴ്‌ച്ച സ്വകാര്യ ബസുകള്‍ സര്‍വ്വീസ് നടത്തില്ലെന്ന് പ്രൈവറ്റ് ബസ് ഓപ്പറേറ്റേഴ്‌സ് അസോസിയേഷനും അറിയിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: