ന്യൂദല്‍ഹി: കൊറോണ വൈറസിനെ ചെറുക്കുന്നതിലേക്കായി മാര്‍ച്ച് 22-ാം തിയതി ഞായറാഴ്ച രാജ്യം ജനതാ കര്‍ഫ്യൂ ആചരിക്കണമെന്ന പ്രധാനമന്ത്രി നരേന്ദ്രമോദിയുടെ പ്രസ്താവനയ്‌ക്ക് പൂര്‍ണ പിന്തുണ ഉണ്ടെന്ന് തമിഴ് നടനും മക്കള്‍ മയ്യം പാര്‍ട്ടി നേതാവുമായ കമല്‍ഹാസന്‍. ട്വിറ്ററിലൂടെയാണ് കമല്‍ ഹാസല്‍ തന്റെ പിന്തുണ അറിയിച്ചത്. ലോകമഹായുദ്ധ കാലത്ത് പോലും ഉണ്ടാകാത്ത വലിയ പ്രതിസന്ധിയിലൂടെയാണ് ലോകം കടന്നു പോകുന്നതെന്നും ഈ സാഹചര്യത്തില്‍ സ്വയം പ്രതിരോധമാണ് വേണ്ടതെന്നുമാണ് കഴിഞ്ഞ ദിവസം പ്രധാനമന്ത്രി പറഞ്ഞത്. ഞായറാഴ്ച രാവിലെ ഏഴ് മണിമുതല്‍ ഒന്‍പത് വരെ ആരും പുറത്തിറങ്ങരുതെന്നും പ്രധാനമന്ത്രി നിര്‍ദേശിച്ചിരുന്നു.
ഞാന്‍ നമ്മുടെ പ്രധാനമന്ത്രിക്ക് ഇക്കാര്യത്തില്‍ പൂര്‍ണമായ ഐക്യദാര്‍ഢ്യം പ്രഖ്യാപിക്കുകയാണ്. രാജ്യം അസാധാരണമായ സാഹചര്യത്തിലാണ്, അതിനാല്‍ തന്നെ നമുക്കും അത്തരം തീരുമാനങ്ങള്‍ എടുക്കേണ്ടതുണ്ട്. അതിനാല്‍ തന്നെ ഞാനെന്റെ ഫാന്‍സിനോടും സുഹൃത്തുക്കളോടും എന്റെ ജനങ്ങളോടും അഭ്യര്‍ക്കുകയാണ്, മാര്‍ച്ച് 22ന് രാവിലെ 7 മുതല്‍ രാത്രി 9 വരെ നമ്മുടെയും പൂര്‍ണപിന്തുണ പ്രധാനമന്ത്രിക്കൊപ്പം ഉണ്ടാകണം- കമല്‍ ഹാസന്‍ പറഞ്ഞു. കൂടാതെ പിന്തുണ അഭ്യര്‍ഥിച്ച് തമിഴ്‌നാട്ടിലെ താരങ്ങളായ രജനീകാന്ത്, അജിത്ത്, വിജയ്, ധനൂഷ്, ഇളയരാജ, വിജയ് സേതുപതി തുടങ്ങി നിരവധി പേര്‍ക്ക് ട്വിറ്ററില്‍ ടാഗ് ചെയ്യുകയും ചെയ്തു.
പ്രതികരിക്കാൻ ഇവിടെ എഴുതുക: