റോം: ലോകത്ത് കൊവിഡ്19 ബാധിച്ച് ഒരു ദിവസം ഏറ്റവും കൂടുതല്‍ പേര്‍ മരിച്ചത് ഇറ്റലിയില്‍. വ്യാഴാഴ്ച മാത്രം 475 പേര്‍ മരിച്ചെന്നു വാര്‍ത്താ ഏജന്‍സി റോയിട്ടേഴ്‌സ് റിപ്പോര്‍ട്ട് ചെയ്തു. ഇതോടെ ഇറ്റലിയില്‍ ആകെ മരണം 2941 ആയി.
രോഗം പടര്‍ന്ന ശേഷം മരണനിരക്ക് ഏറ്റവും ഉയര്‍ന്നതും ഇക്കഴിഞ്ഞ 24 മണിക്കൂറിനിടെയായിരുന്നു. 19 ശതമാനത്തിന്റെ വര്‍ധനവാണ് ഒറ്റ ദിവസത്തിലുണ്ടായത്. ഇതുവരെ 35,713 പേരെ രോഗം ബാധിച്ചു. 31,506ല്‍ നിന്ന് 13.35% ഉയര്‍ന്നാണ് ഇത്രയേറെ പേരെ പുതുതായി ബാധിച്ചത്.
ഇതിനു മുന്‍പ് ഏറ്റവും കൂടുതല്‍ പേര്‍ ഒറ്റ ദിവസം മരിച്ചതും ഇറ്റലിയിലാണ്. ഇക്കഴിഞ്ഞ ഞായറാഴ്ചയായിരുന്നു അത് 368 പേര്‍. നിലവില്‍ ചൈനയ്‌ക്കു പുറത്തു റിപ്പോര്‍ട്ട് ചെയ്ത ആകെ കൊവിഡ് മരണങ്ങളില്‍ പകുതിയിലേറെയും ഇറ്റലിയിലാണ്.
പ്രതികരിക്കാൻ ഇവിടെ എഴുതുക: