തിരുവനന്തപുരം: കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമാകാന്‍ ആരോഗ്യ പ്രവര്‍ത്തകര്‍ക്ക് അവസരം. വീടുകള്‍, ആശുപത്രികള്‍, ഐസോലേഷന്‍, വാര്‍ഡുകള്‍, എയര്‍പോര്‍ട്ട്, റെയില്‍വേ സ്‌റ്റേഷന്‍, ബസ് സ്റ്റാന്റ് തുടങ്ങിയ ഇടങ്ങളിലെ ആരോഗ്യവകുപ്പിന്റെ പ്രവര്‍ത്തനങ്ങളില്‍ പങ്കാളികളാകാം.
സംസ്ഥാനത്തെ കൊവിഡ് 19 വ്യാപനം തടയുന്നതിനായി പിഴവറ്റ രീതിയിലുള്ള പ്രതിരോധ പ്രവര്‍ത്തനങ്ങളാണ് നടന്നുവരുന്നത്. എന്നാല്‍ രോഗ വ്യാപനം തടയുന്നതിനും കൊറോണ ഭീതി പൂര്‍ണമായും ഒഴിവാക്കുന്നതിനുമായി സമൂഹത്തിന്റെ മുഴുവന്‍ സഹകരണവും പിന്തുണയും ആവശ്യമുണ്ട്. ഈ സാഹചര്യത്തില്‍ സംസ്ഥാനത്തെ കൊറോണ പ്രതിരോധ പ്രവര്‍ത്തനങ്ങള്‍ ശക്തിപ്പെടുത്തുന്നതിനായി ആരോഗ്യ പ്രവര്‍ത്തകരുടെ പങ്കാളിത്തം ആരോഗ്യ വകുപ്പ് അഭ്യര്‍ത്ഥിക്കുന്നതെന്ന് ആരോഗ്യ വകുപ്പ് മന്ത്രി കെ.കെ. ശൈലജ പറഞ്ഞു.
താത്പര്യമുള്ള ആരോഗ്യ പ്രവര്‍ത്തകര്‍ https://forms.gle/3FtcS7ovp1YGG9539 എന്ന ലിങ്കില്‍ കയറി വോളണ്ടിയര്‍ ഫോം പൂരിപ്പിക്കുക. ആരോഗ്യവകുപ്പ് നിങ്ങളെ ബന്ധപ്പെടുന്നതായിരിക്കും.
പ്രതികരിക്കാൻ ഇവിടെ എഴുതുക: