കുവൈത്ത് സിറ്റി: കുവൈത്തില്‍ ഇന്ത്യന്‍ പൗരന് കൊവിഡ് 19 സ്ഥിരീകരിച്ചു. അസര്‍ബൈജാനില്‍ നിന്നെത്തിയ ആളുമായി സമ്പര്‍ക്കം പുലര്‍ത്തിയ ഇന്ത്യന്‍ പൗരനാണ് കൊവിഡ് 19 ബാധിച്ച തെന്ന് ആരോഗ്യ മന്ത്രാലയ വക്താവ് ഡോ. അബ്ദുള്ള അല്‍ സനദ് പറഞ്ഞതായി കുവൈത്ത് വാര്‍ത്താ ഏജന്‍സി റിപ്പോര്‍ട്ട് ചെയ്തു. എന്നാല്‍ വൈറസ് ബാധിച്ച ആളുടെ വിശദാംശങ്ങള്‍ പുറത്ത് വിട്ടട്ടില്ല.
ഇന്ത്യന്‍ പൗരന് ഉള്‍പ്പെടെ കുവൈത്തില്‍ ഇന്ന് നാല് പേര്‍ക്കാണ് കൊവിഡ് 19 സ്ഥിരീകരിച്ചത്. ഇതോടെ കൊവിഡ് 19 ബാധിച്ചവരുടെ ആകെ എണ്ണം നൂറ്റിനാലായി. ഇതില്‍ ആറു പേര്‍ തീവ്രപരിചരണ വിഭാഗത്തില്‍ ചികത്സയിലാണ്. അതേ സമയം ചികത്സയിലുണ്ടായിരുന്ന ഏഴ് പേര്‍ രോഗമുക്തരായി ആശുപത്രി വിട്ടെന്ന് ആരോഗ്യ മന്ത്രാലയം അറിയിച്ചു.
എഴുനൂറ്റി പതിനെട്ട് പേരാണ് നിരീക്ഷണത്തിലുള്ളത്. അനാവശ്യമായി ആളുകള്‍ പുറത്തിറങ്ങരുതെന്ന് അധികൃതര്‍ അറിയിച്ചു. ആളുകള്‍ ഒരുമിച്ച് കൂടുന്നത് കണ്ട് പിടിക്കാന്‍ ഡ്രോണ്‍ നിരീക്ഷണം നടത്തും.
പ്രതികരിക്കാൻ ഇവിടെ എഴുതുക: