തൃശൂർ: പരീക്ഷാഹാളിൽ പത്താം ക്ലാസ് പരീക്ഷ എഴുതിക്കൊണ്ടിരുന്ന വിദ്യാർത്ഥിക്ക് നേരെ തെരുവ് നായയുടെ ആക്രമണം. ആക്രമണത്തിൽ വിദ്യാർത്ഥിയുടെ കൈക്ക് നായയുടെ കടിയേറ്റു. തൃശൂർ ചെറുതുരുത്തി സ്വദേശിയായ ഹംസ എന്ന വിദ്യാർത്ഥിയ്ക്കാണ് കടിയേറ്റത്.
നായയുടെ ആക്രമണം ഉണ്ടായ ഉടൻ തന്നെ അധ്യാപകർ ക്ലാസ് മുറികളുടെ വാതിലുകൾ അടച്ചതിനാൽ കൂടുതൽ വിദ്യാർത്ഥികൾക്ക് കടിയേറ്റില്ല. കുട്ടിയെ ഉടൻ തന്നെ ആശുപത്രിയിലെത്തിച്ച് ചികിത്സ നൽകി. കുട്ടിക്ക് പരീക്ഷ എഴുതാൻ കഴിയാതിരുന്ന സാഹചര്യം വിദ്യാഭ്യാസ വകുപ്പിനെ അറിയിച്ചു. വീണ്ടും പരീക്ഷ എഴുതിക്കാൻ കഴിയുമെന്ന പ്രതീക്ഷയിലാണ് അധ്യാപകർ.
പ്രദേശത്ത് തെരുവ് നായകളുടെ ശല്യം രൂക്ഷമാണെന്ന് നാട്ടുകാർ പറയുന്നു.
