കൊച്ചി: കേരളത്തിലേയും തമിഴ്‌നാട്ടിലേയും സ്‌കൂളുകള്‍ക്കായി വണ്ടര്‍ലാ ഏര്‍പ്പെടുത്തിയ പരിസ്ഥിതി ഊര്‍ജസംരക്ഷണ അവാര്‍ഡുകള്‍ വണ്ടര്‍ലാ കൊച്ചിയില്‍ നടന്ന ചടങ്ങില്‍ നടന്‍ ഇന്ദ്രന്‍സ് സമ്മാനിച്ചു. വണ്ടര്‍ലാ ഹോളിഡേയ്‌സിന്റെ സ്ഥാപകന്‍ കൊച്ചൗസേപ്പ് ചിറ്റിലപ്പിള്ളിയുടെ അധ്യക്ഷതയില്‍ ചേര്‍ന്ന ചടങ്ങില്‍ വണ്ടര്‍ലാ ഹോളിഡേയ്‌സ് ജോയിന്റ് മാനേജിങ് ഡയറക്ടര്‍ ജോര്‍ജ് ജോസഫ് ആശംസാ പ്രസംഗം നടത്തി. വണ്ടര്‍ലാ കൊച്ചി പാര്‍ക്ക് ഹെഡ് രവികുമാര്‍ എം.എ. സ്വാഗതം ആശംസിച്ചു. ഗിഗറിന്‍ ചാക്കോ, അസിസ്റ്റന്റ്മാനേജര്‍ (എച്ച്.എസ്.ഇ) കൃതജ്ഞത രേഖപ്പെടുത്തി.
സ്‌കൂളുകള്‍ക്കായി ഏര്‍പ്പെടുത്തിയിരിക്കുന്ന ഈ അവാര്‍ഡ്, കുട്ടികളില്‍ പ്രകൃതി സംരക്ഷണത്തെക്കുറിച്ചുള്ള അവബോധം വളര്‍ത്തുന്നതിന് ഏറെ പ്രയോജനകരമാണെന്ന് ഇന്ദ്രന്‍സ് അഭിപ്രായപ്പെട്ടു. ഒന്നാംസ്ഥാനം നേടിയ തൃശ്ശൂര്‍ ജില്ലയിലെ എക്‌സല്‍ പബ്ലിക് സ്‌കൂള്‍, (കുന്നംകുളം) 50,000 രൂപയും രണ്ടാംസ്ഥാനം നേടിയ കോട്ടയം ജില്ലയിലെ എസ്എച്ച് ഹയര്‍ സെക്കന്‍ഡറി സ്‌കൂള്‍(പെരുന്ന), എറണാകുളം ജില്ലയിലെ ചാവറ ദര്‍ശന്‍ സിഎംഐ പബ്ലിക് സ്‌കൂള്‍ (കൂനമ്മാവ്)എന്നീ വിദ്യാലയങ്ങള്‍ 25,000 രൂപയും മൂന്നാംസ്ഥാനം നേടിയ എംഎന്‍യുജെ നാടാര്‍ ഹയര്‍ സെക്കന്‍ഡറി സ്‌കൂള്‍, മധുര (തമിഴ്‌നാട്), കെഇ കാര്‍മല്‍ സെന്‍ട്രല്‍ സ്‌കൂള്‍, മുഹമ്മ (ആലപ്പുഴ), സെന്റ്. മേരീസ് എച്ച്എസ്എസ് പട്ടം (തിരുവനന്തപുരം)എന്നീ സ്‌കൂളുകള്‍ 15,000 രൂപയും കരസ്ഥമാക്കി. വിജയികളായ എല്ലാ സ്‌കൂളുകള്‍ക്കും ട്രോഫിയും സര്‍ട്ടിഫിക്കറ്റും നല്‍കി.
ഈ വര്‍ഷം മികച്ച അധ്യാപകര്‍ക്ക് പ്രത്യേക പുരസ്‌കാരങ്ങള്‍ ഏര്‍പ്പെടുത്തിയിരുന്നു. ഈ വിഭാഗത്തില്‍ സിസ്റ്റര്‍ ജിജി പി. ജെയിംസ്, സെന്റ്. മേരീസ് ഗേള്‍സ് ഹൈസ്‌കൂള്‍, കാഞ്ഞിരപ്പിള്ളി(കോട്ടയം) ഒന്നാംസ്ഥാനവും എ.എം. അന്‍സാരി, കെവിയുപിഎസ്. പാങ്ങോട്, (തിരുവനന്തപുരം), അസ്‌കര്‍ അലി കെ.എം. ജവഹര്‍ നവോദയ, വൈത്തിരി, (വയനാട്) എന്നീ അധ്യാപകര്‍ രണ്ടും മൂന്നും സ്ഥാനങ്ങളും കരസ്ഥമാക്കി. ഒന്നും രണ്ടും മൂന്നും സ്ഥാനം നേടിയ അധ്യാപകര്‍ക്ക് 20,000, 15,000, 10,000 രൂപയുടെ ക്യാഷ് അവാര്‍ഡും ട്രോഫിയും സര്‍ട്ടിഫിക്കറ്റും സമ്മാനിച്ചു.
പ്രതികരിക്കാൻ ഇവിടെ എഴുതുക: