ബീജിങ് : രാജ്യവ്യാപകമായി പടര്‍ന്നുപിടിച്ച കൊറോണയ്‌ക്കതിരെ പോരാന്‍ പിന്തുണച്ചതിന് പ്രധാനമന്ത്രി നരേന്ദ്രമോദിയോട് നന്ദി പ്രകാശിപ്പിച്ച് ചൈന. വൈറസ് ബാധയ്‌ക്കെതിരെയുള്ള പ്രതിരോധ പ്രവര്‍ത്തനങ്ങള്‍ക്ക് ഇന്ത്യയുടെ ഭാഗത്തു നിന്നും മികച്ച പിന്തുണയാണ് ലഭിച്ചതെന്ന് ചൈനീസ് വിദേശകാര്യ വക്താവ് അറിയിച്ചു. ബീജിങ്ങില്‍ മാധ്യമ പ്രവര്‍ത്തകരുമായുള്ള കുടിക്കാഴ്‌ച്ചയിലാണ് ഇക്കാര്യം അറിയിച്ചത്.
കൊറോണ ബാധിച്ച് 1600 പേരോളമാണ് ചൈനയില്‍ മരിച്ചത്. കൊറോണ വൈറസിനെ പ്രതിരോധിക്കാന്‍ വലിയ പിന്തുണയാണ് അന്താരാഷ്‌ട്ര സമൂഹം നല്‍കിയത്. ഇതിനെ സ്വാഗതം ചെയ്യുന്നതായും നന്ദി അറിയിക്കുന്നതായും വിദേശകാര്യ വക്താവ് പറഞ്ഞു.
വൈറസ് ബാധയെ ചൈനയില്‍ നിന്നും ഇല്ലാതാക്കുന്നതില്‍ പൂര്‍ണ്ണമായ ആത്മ വിശ്വാസമുണ്ട്. ഇതിരെതിരെ പോരാടുമെന്നും ചൈനീസ് വിദേശകാര്യ വക്താവ് അറിയിച്ചു. അതേസമയം കൊറോണയെ പ്രതിരോധിക്കുന്നതിനായി 33 രാജ്യങ്ങള്‍ ചൈനയ്‌ക്ക് വൈദ്യ സഹായവും മറ്റും നല്‍കിയിട്ടുണ്ട്. ഈ രാജ്യങ്ങളുടെ പട്ടികയും ഇതോടൊപ്പം പുറത്തുവിട്ടിട്ടുണ്ട്.
പ്രതികരിക്കാൻ ഇവിടെ എഴുതുക: