തിരുവനന്തപുരം: യൂത്ത് കോണ്ഗ്രസ് പ്രവര്ത്തകനെ ഡിസിസി നേതാവ് മര്ദ്ദിച്ചവശനാക്കി. ബാങ്ക് അഴിമതിയുമായി ബന്ധപ്പെട്ട കാര്യങ്ങള് പുറത്തുകൊണ്ടുവരാന് ശ്രമിച്ച തിരുവനന്തപുരം പെരുങ്കടവിള മണ്ഡലം പ്രസിഡന്റ് ജയനെയാണ് ഡിസിസി ജനറല് സെക്രട്ടറി മാരായി മുട്ടം സുരേഷ് മര്ദ്ദിച്ചവശനാക്കിയത്.
കോണ്ഗ്രസ് പാറശ്ശാല നിയോജക മണ്ഡലം വൈസ് പ്രസിഡന്റ് പുനയല് സന്തോഷും ഇയാളെ ആക്രമിക്കുമ്പോള് ഒപ്പമുണ്ടായിരുന്നതായാണ് വിവരം. സുരേഷ് സംഘം ചേര്ന്ന് ജയന്റെ തലയ്ക്ക് അടിക്കുകയായിരുന്നു. പരിക്കേറ്റ യൂത്ത് കോണ്ഗ്രസ് നേതാവ് മെഡിക്കല് കോളേജില് ചികിത്സയിലാണ്.
മാരായി മുട്ടം സര്വ്വീസ് സഹകരണ ബാങ്ക് മുന് പ്രസിഡന്റ് എംഎസ് അനിലിന്റെ സഹോദരനാണ് സുരേഷ്. ബാങ്ക് അഴിമതിയുമായി ബന്ധപ്പെട്ട വിഷയങ്ങള് ജയന് നേരത്തെ മാധ്യമങ്ങളുമായി പങ്കുവെച്ചിരുന്നു. ഇതില് പ്രകോപിതരായാണ് ആക്രമണമുണ്ടായത്.
